Tersa, 24 Jullu 2018 | Login
Bandeira partido FRETILIN ho Partido Demokratiku Bandeira partido FRETILIN ho Partido Demokratiku

FRETILIN-PD Aprezenta Projetu Lei Anti Korrupsaun Ba PN Featured

DILI: Bankada opozisaun husi partidu FRETILIN no Partidu Demokrátiku (PD) aprezenta ona projetu Lei Anti Korrupsaun (LAK) ba Prezidente Parlamentu Nasionál (PN) hodi tau konsiderasaun, nune’e iha períodu tinan lima nia laran bele aprova.

Vise-Prezidente Bankada FRETILIN, Francisco Miranda Branco hatete, sira hamriik iha opozisaun hodi hala’o knaar hanesan reprezentante povu hahú aprezenta ona projetu Lei Anti Korrupsaun.

Prioridade ba projetu lei ne’e tanba Estadu Timor-Leste presiza instrumentu legál ida ne’ebé di'ak atu autór justisa sira ka’er hodi bele kombate korrupsaun.

Iha tinan 10 liubá harii KAK maibé laiha instrumentu legál ida atu fó ba sira hodi kombate korrupsaun. Tanba ne’e, FRETILIN ho PD hanoin katak lei ne’e importante tebes. Tanba atu halo servisu nu'udar deputadu kompromete hahú kedas foti inisiativa halo elaborasaun projetu lei ne’e hodi aprezenta ba órgaun soberania daruak ne’e.

“Ami hatama ona projetu Lei Anti Korrupsaun ne’e iha plenária horisehik, Segunda, (9/7), hein katak Presidente PN konsiderasaun hodi tau ba ajenda hodi hatún ba komisaun kompetente atu prosesu ba oin to’o aprova iha finál globál”, dehan nia, iha Uma Fukun PN, horisehik.

Iha fatin hanesan, Vise-Presidente Bankada PD, Adriano do Nascimento hatete, projetu lei ne’e importante tebes atu fasilita no haforsa servisu KAK nian, tanba harii órgaun ne’e maibé laiha forsa atu sira bele halo servisu. Tanba ne’e, nu'udár órgaun lejizladór iha devér atu suporta sira nia servisu liu husi produsaun lei sira.

“Espera Presidente Parlamentu Nasionál toma nota hodi halo elaborasaun nota téknika”, dehan nia.

Read 504 times
Rate this item
(0 votes)