FRETILIN La Ódiu AMP Featured

By Artur da Luz Fevereiru 06, 2018 1232
FRETILIN FRETILIN

AILEU: Hasoru eleisaun entesipada bloku koligasaun FRETILIN ho PD husu ba militante ho simpatizante ida-idak la’o tuir fatin no hakmatek. Labele rai ódiu vingansa ba bloku Aliansa Maioria Parlamentár (AMP) bainhira halo kampaña.

Sekretáriu Jerál Partidu FRETILIN, Mari Alkatiri dehan, bainhira rezultadu eleisaun antesipada anunsia sai mak koligasaun ne’e manan, sei ba hakuak sira husi bloku AMP.

Saida mak ha'u hatete, hatete iha oin. Ha'u la hatene lori surik sona husi kotuk no ha'u mós la hatene kria ódiu vingansa ba sira (AMP)”, dehan nia, iha Aileu Vila, Sesta (2/2).

Nia dehan, bainhira rezultadu eleisaun mak koligasaun manan, FRETILIN-PD sei la husik AMP iha li'ur. Kontinua hametin amizade ba malu no lakohi rai ódiu vingansa ba malu iha tempu ne’e.

Tuir Nia, hasoru eleisaun antesipada, FRETILIN ho PD la define CNRT, PLP, KHUNTO nu'udar inimigu, maibé haree AMP nu’udar maun-alin kontinua hakuak sira nu’udar adversáriu polítika.

Maibé, Alkatiri dehan, maski CNRT, PLP, KHUNTO mak haree FRETILIN ho PD nu’udar inimigu, maibé koligasaun ne’e la rai ódiu, kontinua hakuak sira.

Tuir nia, bainhira koligasaun ne’e mak manan iha eleisaun antesipada, sei halo Governu inkluzaun no insidénsia parlamentár, no lakohi husik AMP iha li'ur, tanba Governu ne’e garantia ona.

Rate this item
(0 votes)

Independente Digital TV