Eis-Militante CNRT Dezpontadu ho Promesa Xanana Featured

By Cristina Ximenes Abril 20, 2018 1972
Militantes AMP Militantes AMP

LAUTEM: Militante CNRT dezapontadu ho Prezidente koligasaun Aliansa Mudansa ba Progresu (AMP), Xanana Gusmão, tanba halo promesa barak maibe la kumpre.

Vitor Soares, koordenador partidu CNRT, Munisipiu Lautem, ne’ebé fila ba uma FRETILIN hateten, tinan sanolu hamutuk ho maun Xanana hahú 2007 to’o 2017 pronmete katak se mak naok lima cent sai, maibe to’o agora ema ne’ebé naok la sai.

“Nia dehan se maka na’ok lima cenr sai. Esperensia ne’ebé ha’u hetan ema la sai tok ida”, tenik nia, iha kampania FRETILIN, iha Lospalos, Kuarta (18/4).

Vitor dehan, FRETILLIN ukun la to’o tinan de’it ema sira na’ok povu nia osan ne’e balu tama kadeia no balu halai lakon la hetan to’o agora.

Portantu, iha duni fatin ida ne’e maun Xanana dehan FRETILIN halo projetu la loos, loke kuak-taka kuak, maibe realidade hatudu governasaun CNRT ukun durante tinan sanolu ne’e halo estrada la to’o tinan loke kuak-taka kuak.

“Osan fundu mina-rai ne’ebé ita hetan, ami CNRT gasta ona billaun $14, agora restu billaun $16 de’it. Osan ne’e ba hotu ne’ebé ami hatama ba bolsu,” dehan Vitor.

Nia dehan, uma MDG ne’ebé halo hanesan uma pombu nian ho ggastu millaun $100. Ne’e se maka atu ba hela la hatene, sira ba halo vizita bibi maka ba hela tiha fatin ne’e.

Iha fatin hanesan, Jose Manuel Fernandes ‘Nakfilak’ hateten, Emilia Pires la’o tiha husi Timor, tanba de’it txza ne’ebé Bayu Undang hatama mai iha tempu nia kaer la hatene halo divida ba EDTL ho tokon $500, ne’e ukun AMP nian maka ne’e hamutuk ho Emilia Pires.

Tanba FRETILIN ba ukun, atu implementa 6H maibe sira lakohi, tanba ne’e iha eleisaun foin lalais remata sira ba hasoru Xefe Estadu ibun bobot hakarak sai oposizaun konstrutiva, edukativa, sira nia oposizaun ne’e maka hanorin atu hadau ukun ne’e. 

Rate this item
(0 votes)

Independente Digital TV