Domingu, 21 Outubru 2018 | Login
Mariano Assanami Sabino Mariano Assanami Sabino

Diálogu Maka Solusaun Úniku Hakotu Impase Polítika Featured

DILI: Impase polítika ne’ebé hahú mosu husi Governu anteriór to’o atuál tanba iha diverjénsia polítika entre lideransa nasionál sira iha kada partidu.

Deputadu Partidu Demokrátiku (PD), Mariano ‘Assanami’ Sabino hatete, Prezidente Repúblika eleitu direita husi povu hanesan Xefe Estadu, tanba ne’e presiza sidadaun hotu-hotu respeitu ba nia.

“Atu hakotu impase polítika ne’e la'ós dalan úniku mak atu hatún Xefe Estadu husi nia kargu, maibé dalan úniku atu uza mak tenke hasoru malu halo diálogu ho fuan no laran oinsá atu buka duni solusaun ba problema ida”, dehan nia, iha Uma Fukun PN, horisehik.

Nia esplika, partidu polítiku ne’e hanesan instrumentu demokrasia, tanba ne’e kuandu eleisaun remata ona partidu polítiku sira tenke buka malu hodi halo diálogu, maibé tenke ho totalidade labele ba halo fali ‘tawar menawar’ iha momentu diálogu ne’e.

Assanami hatete, diverjénsia polítika husi lider nasionál sira ne’e uitoan de’it, maibé tanba interese grupu balun nian hodi dada ona impase ne’e atu besik ona tinan rua.

Votu ne’ebé maioria povu fó ne’e tenke nakfilak sai servisu ho responsabilidade, labele uza povu hodi atinji mehi polítiku sira nian de’it.

Atu ema labele sama beibeik povu ne’e nia dignidade, lideransa nasionál sira tenke halo ona diálogu karik la halo timoroan kontinua fahe malu na'i ulun boot sira nia dapur laran di'ak hela, maibé povu iha baze kontinua terus.

Read 970 times
Rate this item
(0 votes)