×

Atenção

JUser: :_load: Não foi possível carregar usuário com ID: 430

Print this page

Deputadu Sira Husu Hapara Pose ba Funsionáriu Foun ME Featured

By Marsu 15, 2017 3258
Parlamentu Nasional Parlamentu Nasional

DILI: Parlamentu Nasionál husu ba ministériu edukasaun atu hapara tomada pose ba funsionáriu edukasaun foun tanba presiza hadi'a problema tékniku.

Deputadu Paulo Moniz Maia hatete, profesór sira ne'ebé voluntáriu hanorin estudante sira hamutuk 4.200, maibé avaliasaun husi ministériu edukasaun hatudu ema balun ne’ebé durante ne’e la tama lista voluntáriu mak hetan kontratu no sira ne’ebé kontribui ona la hetan kontratu.

Ne’e duni, nia husu atu halo re-verifikasaun ba profesór kontratadu sira, tanba deskonfia bele mosu indísiu nepotizmu iha prosesu ne’e.

Nia mós sujere, atu pendente prosesu tomada pose ba funsionáriu kontratadu sira ne'ebé tuir ona teste ne’e.

“Ha'u husu ba Ministériu edukasaun atu hapara lai tomada de pose ne’e, depois ita rezolve tiha problema. Kuandu ministériu hakarak provas ruma, ha'u prontu atu hatudu”, tenik Paulo.

Deputadu Eládio Faculto mós hateten, rekrutamentu profesór sira ne’e importante tebes atu bele reforsa kualidade ensinu nian, maibé iha rekrutamentu ne’e tenke justu transparénsia atu prosesu tomak bele la’o di'ak.

Nia hatutan, profesór sira ne’e tenke fó duni prioridade atu bele hasa’e sira nia koñesimentu iha parte siénsia nian atu bele hasa’e kualidade edukasaun iha timor.

Tanba ne’e, husu atu ministériu edukasaun esforsu nafatin hodi hadi'a sistema edukasaun ne'ebé di'ak ba estudante sira. 

Rate this item
(0 votes)
Jacinto Xavier

Latest from Jacinto Xavier

Related items