Domingu, 23 Setembru 2018 | Login
CNRT CNRT

CNRT Ezije Governu Selebra Asinatura Tratadu Featured

DILI:Delimitasaun fronteira marítima asina ona konkordánsia hodi hahú diskute define liña klaran entre tasi Timor no Austrália. Ne’e hanesan vitória boot ida tanba ne’e presiza selebra momentu istóriku ne’e.

Partidu Congresso Nacional Reconstrução Timor-Leste (CNRT), konsidera tasi Timor nu’udar asuntu nasionál, tanba ne’e presiza governu halo serimónia agradesimentu ida hodi fó apresiasaun ba vontade governu rai rua nian tuur hamutuk.

Xefe Bankada CNRT, Arão Noe de Jesus hatete, definisaun fronteira tasi permenente entre Timor no Austrália ne’e vitória boot ba povu Timor, tanba rai barak mak ukun aan tinan barak ona to’o agora seidauk iha fronteira tasi nian, tanba ne’e presiza halo serimónia ida hodi selebra.

Maibé, nia dehan, kuandu governu la reprezenta Estadu ne’e hodi halo selebrasaun ruma, maka partidu partidu CNRT liu husi Aliansa Mudansa ba Progresu (AMP) sei mobiliza povu tomak hodi selebra momentu ne’ebé nakonu ho istória ne’e.

“Selebrasaun ne’ebé ita atu halo ne’e la'ós hatudu katak ita manan Austrália, maibé ne’e ita manan ita nia direitu soberania. Tanba ne’e, ita la'ós halo kolaborasaun hodi hatudu ita manan ka lakon”, dehan Arão.

Razaun halo selebrasaun ne’e atu hato’o agradesimentu ba povu no veteranu Austrália ne’ebé durante ne’e fó apoiu ba governu rai rua ne’e hodi tuur hamutuk no ohin konsege define direitu soberania povu rai rua ne’e nian.

Alende ne’e mós atu fó agradesimentu ba juis internasionál no ba negosiadór prinsipál Xanana Gusmão no nia grupu sira ne’ebé durante ne’e luta ba direitu soberania povu Timor nian.

Akordu ne'e asina ona iha Nova Iorke kuarta ohin.  

Read 254 times Last modified on Kinta, 08 Marsu 2018 14:33
Rate this item
(0 votes)

About Author