Ho faktu ne’e, Portavós Bloku Unidade Populár (BUP), Hermenegildo Lopes Kupa, promete atu sei fó uma ba ema ki’ak sira bainhira bloku ne’e kaer governu.

Nia dehan, importante tebes ba kada sidadaun atu hela iha uma ho kondisaun di’ak nune’e bele hetan saúde di’ak.

Aleinde uma, nia promete mós ba komunidade Ainaru atu hadi’a estrada ne’ebé liga ba distritu ne’e, nune’e atividade ekonomia bele la’o di’ak liu tan.

Kupa dehan, korrupsaun mós sai hanesan asuntu prioridade ne’ebé nia parte sei tau-matan.

Tanba, nia hatutan, lakohi atu mosu tan korrupsaun hanesan buat ne’ebé akontese iha sestu governu no hasa’e saláriu funsionáriu públiku.