Tersa, 02 Juñu 2020 | Login
Presidente Partido Demokratiku, Assanami hasoru nia militantes iha kampanya Presidente Partido Demokratiku, Assanami hasoru nia militantes iha kampanya

ASSANAMI: Media Sai Klamar Ba Demokrasia Featured

LIKISÁ:Prezidente Partidu Demokratiku (PD), Mariano ASSANAMI Sabino hatete, Média sai hanesan klamar ba Demokrasia iha nasaun Timor-Leste.

Nia dehan, husi média maka bele dezamina informasaun ba públiku hodi bele hatene prosesu dezenvolvimentu iha nasaun ida.

Tanba ne’e, Lider PD ne’e dehan, bainhira PD kaer ukun iha periodu 2017-2022 sei investe makas hodi dezenvolve instituisaun média sira liu husi fó kapasitasaun atu Jornalista sira sai ema ne’ebé professional hodi transmite informasaun ba públiku ho loloos.

“Partidu Demokratiku kuandu ukun sei fó súbsidiu ba instituisaun média sira atu bele dezenvolve aan no fó osan ba sira atu bele hasa’e salariu ba jornalista sira nian”, dehan liu husi Komisiu Polítiku iha Kampaña lejizlativa iha kampu futeból Guicu, Postu Administrativu Maubara, Munisipiu Likisá,horisehik.

Súbsidiu ne’e , ASSANAMI dehan, sei fó ba instituisaun média nasionál  sira hanesan média eletronika no emprime, Radio, no Televisaun.

 Polítika PD, nia dehan, governu sei investe makas hodi bele hasa’e kualidade instituisaun média nasionál sira atu nune’e evita ema balun ne’ebé iha forsa finaseiru labele sosa média hodi utiliza ba nia interese politika rasik.

“Ita hakarak tau osan hodi investe iha Media televizaun, Radio no Jornal sira atu nune’e media sira labele depende liu ba iklan sira”,dehan Assanami.

Read 849 times
Rate this item
(1 Vote)

About Author