Kuarta, 22 Novembru 2017 | Login
PD PD

Asanami: La-Sama Belun Povu Atoni Featured

TUMIN: Prezidente Partidu Demokrátiku, Mariano Assanami Sabino husu ba povu rejiaun Oekusi atu kontinua hakmatek, pás no dame hodi hamutuk vota ba Partidu demokrátiku atu ukun iha períodu 2017-2022.

“Povu atoni imi kesi malu ho La-Sama. La-Sama hemu imi nia tua, Fuma imi nia Tabaku, La-Sama la’ós de’it Prezidente PD,maibé imi bolu malu maun ho alin”, dehan nia iha kampaña aberta iha rejiaun Oekusi, Sesta (14/07).

Assanami hateten,  La-Sama tama imi nia dapur buka hahán, hanesan imi nia oan ne’ebé kuandu to’o mai uma, hamlaha nia tama dapur. La-Sama toba iha imi nia kuartu di'ak ka la di'ak nia toba iha imi nia uma. Hadeer, Fuma Tabaku no  konta istória ho imi to'o loron.

"Imi ida-idak ninia sakrifísiu, imi halo boot ona PD. Imi ida-idak nia terus ho imi nia bee manas fó hemu La-Sama, toba iha imi nia uma. Tebe hakuak malu ho imi, maibé ohin La-Sama laiha imi ida-idak iha responsabilidade atu haboot PD”, nia sujere.

Tanba ne’e, nia husu Atoni-oan sira kontinua hadomi La-Sama, hadomi mós PD, tanba ne'e La-Sama nia naran kontinua boot no morin.

"Ita laiha patraun, iha funu mós ita laiha patraun. Ita laiha osan barak. Ita laiha motór, Karreta. tanba PD ema ida-idak ninian, inan aman sira hadomi PD tanba ne'e to'o ohin loron sira kontinua iha PD tanba mós hodomi La-Sama".

Fó Omenajen Ba Martir 99

Assanami fó ninia omenajen ba saudozu no martir da pátria hamutuk 74 ne'ebé mate iha paska referendu tinan1999.

Martir mesak juventude de'it ne'ebé oho husi milísia Sakunar iha Oesilu-Tumin oekusi.

“Joven sira ne'e fó ona sira nia vida ba nasaun ne'e tanba ne'e sira merese hetan fatin aas no dignu”, Dehan nia.

Read 198 times
Rate this item
(0 votes)
  • MidAd1
  • Heineken Klaran
AdBottom1