Print this page
Prezidente Parlamentu Nasionál (PN), Arão Nóe Amaral. FOTO:dok Prezidente Parlamentu Nasionál (PN), Arão Nóe Amaral. FOTO:dok

AMP Planeia Avalia Servisu Membru Governu Featured

DILI: Kuadru polítika koligasaun Aliansa Mudansa ba Progresu (AMP), planeia atu halo avaliasaun servisu ba membru Governu sira, hodi halo mudansa tuir vizaun polítika partidu koligasaun nian.

Prezidente Parlamentu Nasionál (PN), Arão Nóe Amaral hateten, presiza halo avaliasaun ba estrutura membru Governu, atu deteta vantajen ho dezvantajen sira durante ne’e, bainhira la avalia maka susar atu deteta lakuna iha governu laran.

Avaliasaun ne’ebé konkretu mak liu husi enkontru alargada, konferénsia nasionál, no mini kongresu, ne’ebé karik koligasaun ida bele halo, maibé depende ba estrutura AMP mak sei deside.

“Mai ha’u importante tebes halo avaliasaun no dezempeñu partidu nian halo planu ba oin. Avaliasaun ne’e depende ba nivel partidu no koligasaun AMP atu identifika frakeza no susesu iha ne’ebé”, dehan Arão, iha edifísiu CNE, Kolmera, horisehik.

Tuir nia, iha reuniaun alargada mak sei deteta fallansu sira durante ne’e Governu enfrenta, nune’e rezolve atu hetan solusaun ikus mak foku ba dezenvolvimentu. Maibé koligasaun AMP kontinua solidu iha Parlamentu Nasionál haforsa Governu.

Kona-ba lista pendente la’ós kompeténsia koligasaun AMP, maibé Xefe Governu ho Xefe Estadu mak iha kompeténsia solusiona, tanba kuadru polítika AMP kontinua mantein lista ne’ebé aprezenta antes.

Iha fatin hanesan, Ministru Reforma Lejizlativa Asuntu Parlamentár (MRLAP), Fidelis Leite Magalhães dehan, Konsellu Diretiva AMP rasik too oras ne’e seidauk foti desizaun halo enkontru alargada iha partidu no mós koligasaun, tanba seidauk iha diskusaun.

“Ha’u mós hola parte iha konsellu diretiva AMP. Ha’u rasik seidauk rona espekulasaun rasik ne’ebé labele fó komentáriu,” dehan nia.

Antes ne’e, mosu ona espekulasaun balun katak iha tempu badak Governu sei halo avaliasaun no dezempeñu servisu ba membru tomak hodi halo remodelasaun ba estrutura Governu.

Read 2278 times
Rate this item
(0 votes)

Related items