AMP Fo Prioridade Ba Estrada Remexio Featured

By Artur da Luz Abril 23, 2018 934
Taur iha kampanha Taur iha kampanha

REMEXIO: Kondisaun estrada Postu Administrativu, Remixio-Aileu vuneravel tebes. Ne’e duni, koligasaun Aliansa Mudansa ba Progresu (AMP) promete atu hadi’a bainhira manan no kaer ukun.

Komunidade Remexio, Paulino de Araujo hateten, nuda’ar militante AMP nian hakarak fó apoia votu nune’e bainhira ukun tenke hadi’a estrada ligasaun ba Postu Remexio.

Tuir nia, eleisaun antesipada ne’e halo komunidade Remexio-oan sira apresia tanba fiar aan katak AMP hetan ona vitória, nune’e manan karik labele promete deit tenke realiza saida mak hatete ona kampaña.

“Ba ha’u hakarak AMP mak ukun atu hadi’a nasaun no hadi’a ami ami nia estrada atu ami lao ho diak liutan”, dehan Paulino, hafoin kampaña iha Remexio, Sábadu (21/4).

Nia dehan, apresia tebes ho programa AMP nian ne’ebé prioridade ba munisipio Aileu atu instala universitariu iha Aileu, signifika sai fatin ba akademista sira.

Tuir nia, prioridade liu mak estrada mai Remexio tanba iha rai ne’e potensial liubá hortikultura no mós agrikutura, liliu kafé ho kualidade maibé susar atu lori ba merkadu tanba kondisaun estrada vuneravel halo komunidade sira la to’o merkadu.

Tanba ne’e, nuda’ar jerasaun kontinuadór militante AMP nian hakarak mobiliza foinsa’e Remexio-oan sira tenke vota ba AMP, tanba programa ne’ebé diak tebes tanba tuir planu atu dada kadoras mina mai TL.

Ne’e duni, fiar-aan katak iha Remexio AMP mak hetan vitória, tanba periodu kotuk CNRT maka hetan vitória iha Remexio.

Nune’e, portavóz AMP, Taur Matan Ruak, sira-nia program prioridade liu mak atu instala universitario iha Aileu no mós saude, edukasaun, agriultura no programa seluk tan ne’ebé prioridade tebes iha Aileu.

Nia dehan, planu AMP nian prioridade liu mak estrada liga ba Remexio no mós liga ba suku seluk, tanba programa estrada ne’e prioridade tanba Remexio sai potensial ba produtu local, liuliu kafé no programa seluk tan.

Tuir nia, mini kampania ne’ebé AMP halo iha Remexio atu sensibiliza informasaun ba komunidade sira, nune’e komunidade sira bele intede didiak programa.

Tanba ne’e, Matan Ruak dehan, Remexio ona tenke ba vota ba AMP hodi Vota lider rezistensia nain rua ne’e bele tun hamutuk povu hodi rezolve povu nia moris.

Mini kampaña ne’ebé hala’o iha postu Administrativu Remexio, iha ne’ebé partisipa masimu militante kuaze atus rua resin maka partisipa iha mini kampaña ne’ebé dirij husi portvós AMP, Taur Matan Ruak.

  

Rate this item
(0 votes)

Independente Digital TV