“Ha’u fiar ke ohin sira hamutuk ho ita iha ne’e, atu ita hotu hamutuk bele lori fila fali FRETILIN ba ukun”, Alkatiri bainhira kampania partidu FRETILIN bada la lima, iha Munisipiu Aileu, horisehik.

Tanba ne’e, Sekjer FRETILIN Alkatiri hateten, fó omenajen ba Xavier do Amaral hanesan Aileu-oan ne’ebé hahú luta ne’e, no omenajen mos ba Nicolau Lobato, ho sira seluk tan barak tebes labele temi sira nia naran hotu to Nino Conis Santa.

Nia dehan, primeiru governu Marí Alkatiri la ukun to’o rohan, tanba nia sala, nia sala tanba nia lori osan ida husi akordu tasi Timor ne’ebé lori osan juta ba juta, tokon ba tokon mai TL ne’e no sira gasta naran-naran deit, ne’e maka nia nia sala.

Maibé bainhira ukun osan laiha sira nonook, osan komesa tama sira mai hadau, hakarak kadeira, hakarak osan ne’e maka Mari nia sala.

“Ha’u sala biar nune’e ha’u la halai husi Timor Leste. Ha’u hela nafatin iha TL. Ha’u nafatin iha FRETILIN tanba ha’u fiar povu sei hamutuk ho FRETILIN, 1975 ba iha liur la’os halai, tanba kumpre misaun ida, kumpri tiha misaun ida fila fali mai atu servi povu ida ne’e ha’u nia sala kal maka ha’u fila fali mai ne’e karik,” tenik nia.

Alkatiri hateten, bainhira inaugura estatua saudozu Francisco Xavier do Amaral iha Dili, ida ne’ebé dehan Alkatiri la’ós fundadór ne’e nia rasik maka hatudu fundadór ne’eba maka Marí Alkatiri, agora nia dehan la’ós fundadór.

Sekjer FRETILIN Marí hateten, derepente bainhira atu hasoru deit FRETILIN hotu-hotu halai hamutuk, maibé lakon ona tanba la fiar aan, tanba laiha identidade, FRETILIN nafatin lao mesak tanba fiar-aan, tanba iha identidade, tanba fiar ba povu ida ne’e.