Nia hateten relasiona ho Lei Migrasaun e Agillo ne'ebé hetan veta husi Prezidente Repúblika Francisco Guterres Lú Olo, la iha tan dalan seluk atu fó kompeténsia ba autoridade seluk hodi halo kontrola ba sidadaun sira tama sai, dalan úniku extende tan Estadu Emerjénsia(EE).

"Tanba ita seidauk iha lejislasaun seluk atu kontrola só ho Estadu Emerjénsia de’it mak bele, por enkuantu ita seidauk iha baze legal seluk entaun ita presiza ida ne'e atu kontrola" dehan nia ba Jornalista sira iha Parlamentu Nasional, Kinta(01/10).

Tuir nia, durante EE ba dala VI ona  nota katak ho aplikasaun EE ne'e konsege ona limitadu sira iha pontu entrada nian hodi detekta ema sira tama mai no  iha moras ruma bele detekta ho lalais.

Membru Parlamentu ne'e haktuir, durante ne'e ema sira tama  sempre liu iha Kuarentena durante loron 14, no sira ne’ebé iha moras  bele lori kedas ba izolamente hodi halo tratamentu ba sira hodi bele rekupera sira nia saúde.