Bin husi Saudozu Emília Francisca hateten,ohin dadersaan saudozu sai husi nia uma ho nia eskoltu hodi halo jinástika iha area João Paulo II Tasi-tolu, iha fatin refere saudozu hasoru ho nia dosente husi universidade da paz (UNPAZ)  hodi dada lia, la kleur saudozu hetan atakasaun no monu derepente de’it, hafoin akontesimentu ne'e lori kedas saudozu ba iha klínika Komoro no saudozu hakotu iis iha tuku 6 dader.

"Hodi kalan nia sei mai vizita ami nia inan ki’ik ne'ebé fila ba, ohin dader nia ba olaraga ko'alia hela ho nia dosente derepente nia monu ne'e mak nia dosen sira lori mai iha klínika Komoro nia,nia kondutor mai tula lalais ha'u dehan ama ba lalais lai komandante monu iha hela klínika ne'eba." haktuir bin husi matebian Emília Francisca iha Mortuariu HNGV.

Nia hatutan katak nia tun ba nia iis sei iha, hanoin hanesan moras baibain. Tanba ne’e  nia kaer tiha nia ulun dehan ba nia hader tiha lai nusa maka hanesan ne'e la kleur  nia iis kotu.

Nia haktuir katak, durante ne'e kada semana nia sempre ba kontrola iha doutor veteranus nian ne'ebé ninia tensaun ne'e talvez tun sa'e nune'e hela de'it ne'ebé nia ain mak hanesan komplikadu oituan ne'e mak nia hakarak halo exersíziu hodi nia ain bele normál fali.

Antes nia moras stroke ne'e nia sente dehan nia ain mak moras, ninia ulun no kakorok ne'e mak moras. Iha tinan kotuk nia hetan atakasaun evakua ba ospitál, baixa  fulan 3 hafoin doutór sira rekomenda nia ba Singapura ba halo tratamentu fulan 1 iha ne’eba.

Entretantu saudozu hakotu nia iis hodi husik nia kaben no nia oan na’in 4, feto 2 no mane 2.