Taur: Tinan 2020 Kuñesidu hanesan tinan Rejisténsia Featured

By Joenaca da Conceicao Outubru 01, 2020 535
Taur Matan Ruak Taur Matan Ruak

DILI: Primeiru Ministru (PM) Taur Matan Ruak konsidera tinan 2020 hanesan tinan rejisténsia nian tanba Timor Leste hasoru problemas no dezafius oin-oin iha tinan ida ne'e.

Nia hateten fulan sanulu nian ikus ne’e ita koñese hanesan tinan ida ho impase polítiku, dezastre naturál sira no krize ida ho naran Covid-19.

“Maibé ha’u fiar katak ho orsamentu ida-ne’e no medida sira ne’ebé hala’o hela, ita sei remata tinan ne’e ho fiar metin katak tinan 2020 mós sei sai koñesidu hanesan Tinan Rezisténsia no Reziliénsia Povu Timor-Leste ninian.” Dehan nia wainhira aprezenta OJE  iha PN, Kinta(01/10)

Governante ne'e haktui,r tinan Rezisténsia nian ne’ebé hahú kedas hafoin surtu dahuluk krize nian, ho Programa Estabilizasaun Ekonómika no Sosiál ida-ne’ebé ambisiozu, ho Pakote Estímulu Ekonómiku ida, ne’ebé kompostu husi medida konkreta hamutuk sanulu resin atu hamenus efeitu oioin husi krize ida ne’ebé mosu iha nasaun ne’e.

Nia hatutan, Medida sira ne’ebé fó tulun ema sira no uma kain timoroan sira 298,000 (rihun atus-rua-sia-nulu-resin-ualu) resin ho subsídiu diretu, hodi injeta fonte rendimentu nian ida ne’ebé krusiál atu hamenus hamlaha no moris-kiak, iha momentu ida-ne’ebé akontese suspensaun ba atividade ekonómika sira, lakon rendimentu sira no mós dezempregu sira sa’e.

Rate this item
(0 votes)

Independente Digital TV