Tanba Surtu COVID-19, EUA Repatria Nia Sidadaun Husi TL

Abril 19, 2024

Nasional

Tanba Surtu COVID-19, EUA Repatria Nia Sidadaun Husi TL ^Featured

By Ekipa INDEPENDENTE Abril 11, 2020 2663

Bandeira EUA

DILI:Embaixada EUA Dili, Timor-Leste planeadu atu repatria nia sidadaun na’in 14 ba Estadus Unidus iha loron 12 fulan-Abril, tanba surtu COVID-19.

“Ministériu Negosiu Enstranjeiru EUA no Embaixada Estadus Unidus iha Timor-Leste laiha tan prioridade bo’ot seluk alem siguransa ba sidadaun EUA nian ne’ebé hela iha nasaun seluk. Tanba limitasaun opsaun viajen komersial, fim da semana ne’e, ami disponibiliza voo espesial ida ba sidadaun EUA no residente permanente legal EUA nian sira ne’ebé hakarak sai husi Timor-Leste,”Embaixadora Kathleen Fitzpatrick.

Liuhusi komunikadu ne’ebé INDEPENDENTE Online asesu, sabdu ohin katak iha loron 19 fulan-Marsu 2020, Ministériu Negosiu Estranjeiru EUA nian sujere sidadaun EUA sira atu evita viajen internasional sira tanba impaktu global husi COVID-19.

Embaixada EUA iha Dili kontinua nia operasaun ho asaun prevensaun tuir governu Timor-Leste nia Estadu Emerjensia no kontinua iha komitmentu atu apoia Timor-Leste hodi hasoru desafiu COVID-19 nian.

Iha loron 9 fulan-Abril, Embaixadora Fitzpatrick anunsia ona katak Estadus Unidus liuhusi nia Ajensia ba Dezenvolvimentu Internasional (USAID) iha komitmentu atu oferese millaun $1.1 hodi tulun governu Timor-Leste luta kontra COVID-19.

Atualizasaun viruscorona (COVID-1) mundial loron 11 fulan-Abril kazu hamutuk abitante millaun 1,6, kurativu rihun 376.106 no mate rihun 102.659.

Dadus provizoriu hatudu Estadus Unidus Amerika maka sei as liu, kazu hamutuk rihun 501.821, mate rihun 18.695, no kurativu (konsege salva) hamutuk rihun 27.239.

Entretantu iha Timor-Leste identifika positivu na’in rua (2). Ida alta ona no ida seluk iha fatin izolamentu.

Rate this item

(0 votes)