Diretór Jerál STAE, Acelino Manuel Branco hatete, ohin loron 22 fulan-jullu tinan 2017 nu’udar loron eleisaun ba Parlamentar nian, hahú husi horikalan mai to’o iha ohin dader prosesu sira ne’e la’o di’ak hotu no kompri di’ak tebes prosedimentus.
Nia dehan, ohin dader madrugada material sira ne’ebé horikalan to’o kedas ba iha sentru votasaun, brigarista sira hamutuk ho polisia nasionál Timor-leste, observadores Nasionais ho Internasionál sira nia akompanamentu sira hotu ka fiskais sira nia prezensa iha ne’eba hodi entrega material sira ne’e ba iha ofisiais eleitorais sira ne’ebé destakadu iha kada estasaun de votasaun lori hahu preparasaun.
Tanba iha preparasaun iha sentru votasaun balu hala’o kedas iha tuku 5:00 madrugada, mai to’o iha tuku 6:00 pas tuku 7:00 dader iha 843 sentru votasaun ne’ebé funsiona iha Timor-Laran tomak hahú hala’o atendimentu ba eleitor sira.
STAE mós anunsia sentru votasaun hamutuk 843, estasaun de votu hamutuk 1.118 no mos total eleitores hamutuk 760.907.
“Hanesan mos sentru votasaun balu ne’ebé eziste iha rai liur tuir lei katak sentru votasaun sira ne’e,lao tuir oras lokal ne’ebé mak iha,tanba ida ne’e ita agora tuku 10:00 Otl maibé iha parte Europa parese ita ne’e lokriak,maibé iha ne’eba dader foin maks sira abertura ba iha sentru votasaun,maibé iha Nasaun Australia ninian tanba iha diferensia oras balu deit prosesu mos lao tia ona no oras ne’e dadauk sira mos halo hela atendimentu ba ita nia eleirores sira ne’ebé mak ristadu iha Darwin,Sidney no mos iha Melbourne,entermus seguransa to’o agora seiduk registu asidente ruma iha prosesu abertura sentru votasaun hotu,tanba ita nia eleitores sira partisipa masimu tebes ba sira nia ezerse duni,tuir sira sira nia diretu no sira nia konsiensia rasik,” dehan Diretór geral STAE Acelino Manuel Branco ba Jornalista sira Sabadu(22/07) iha knar fatin Kaikoli Dili.
Acelino mós hatutan, sentru votasaun hotu ne’ebé eziste iha teritoriu laran tomak funsiona ho normal no oras ne’e dadauk hala’o hela atendimentu ba elietor sira, tuir prosedimentu katak votasaun sei kontinua lao to’o iha tuku 3:00 Otl loraik, e depois votasaun remata sei kontinua proseu kontaze de votus ninian.
Entretantu dadus ne’ebé media sira rekoilla husi STAE nian katak partisipasaun iha Nasaun 4 ne’e tuun, tanba iha eleisaun Presidensia iha Korea do Sul Sae ba 227 maibé mai fali iha Eleisaun Parlamentar tuun ba 84.
“Iha eleisaun Presidensial ita seiduk realiza reisensamentu eleitores tantu iha iha Korea do Sul, ita foin estabelese reisensamentu eleitoral iha korea do sul ne’e antes tama ba iha eleisaun parlamentar, kona ba dadus ida ne’e ba deit eleisaun parlamentar ninian, e eleisaun parlamentar la iha eleitores ruma mak registu iha korea do Sul,tanba iha altura eleisaun president ita la organiza reisensamentu iha ne’eba,”tenik Acelino.
Hanesan mos iha Nasaun Londres iha sentru votasaun foun ida iha altura eleisaun presidente mos la funsiona hanesan iha sentru votasaun iha altura ne’eba.
Nune’e mos iha Melbourne sentru votasaun ne’ebé eziste ona desde eleisaun Presidensial no kontinua ba eleisaun parlamentar mak sentru votasaun iha Embaixada Lisboa konsul geral iha Darwin konsul geral Sidney, total eleitoral iha Korea dos Sul hamutuk 200 ital.
