SSK Formoza II Deteta Suspeitu Covid-19 Na’in 3 Featured

By Elsa Belinha Maiu 12, 2020 4839
Ilustrasaun Foto: Sentru saude Farmosa Dili. Ilustrasaun Foto: Sentru saude Farmosa Dili.

DILI: Sentru Saúde Komunitáriu (SSK) Formoza II liu husi triajen ne’ebé hala’o konsege deteta ema na’in tolu (3) nu’udar suspeitu ba Corona Virus Deasses 2019 (Covid-19).

Xefe SSK Formoza II Dulce Tilman Pinto hatete, vizilansia sentinela iha SSK Formoza II foin hahú triajen hodi hasai amostra ba pasiente sira ne’ebé mak ho sintomas infesaun respiratória aguda (IRA).

“Ohin SSK Formoza II halo teste ba ema na’in 20 no hetan suspeitu na’in 3,” dehan nia iha nia knar fatin, Segunda (11/05).

Nia dehan, kada SSK fó tempu loron 4 atu halo teste ba pasiente sira ne’ebé mak dezenvolve sintomas IRA hodi hasai nia amostra.

Amostra ne’e, nia hatutan, sei rai hamutuk hafoin transporte ba laboratóriu nasional hodi halo teste.

Tuir nia, vizilansia sentinela mak bele deteta iha ona transmisaun lokal Covid-19 ka lae.

Rate this item
(0 votes)

Independente Digital TV