Kuarta, 15 Jullu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-07-14&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Sosiedade Sivil Sosiedade Sivil

Sosiedade Sivíl Apoiu SEPFOPE Organiza Manifestasaun Kontra Governu Featured

DILI: Sosiedade sivíl fó apoiu másimu ba planu Sekretáriu Estadu Polítika Formasaun Profisionál Empregu (SEPFOPE) ne’ebé iha opsaun atu organiza manifestasaun kontra ninia governu rasik bainhira redús orsamentu ba sekretáriu estadu ne’e.

Sosiedade sivíl apoia tanba Sekretáriu Estadu, Julião da Silva, hatudu duni espíritu solidariedade ba juventude timoroan sira.

“Sosiedade sivíl apoiu tomak tanba joven dezempregu barak”, dehan peskizadór AJAR, Inocêncio Xavier, iha knaar fatin, Faról-Dili, horisehik.

Nia dehan, sekretáriu estadu ne’e konsentrasaun ba kapasitasaun no prepara ema ba servisu, nune’e parlamentu presiza haree, karik redús ba de'it viajen estranjeiru sira ne’ebé laiha rezultadu.

Husi tinan ba tinan forsa traballu aumenta, tanba ne’e governu tenke hahú hanoin ona oinsá atu kapasita joven sira ne’e liuhusi tékniku profisionál, nune’e bele prepara sira ba merkadu traballu nian.

“Ami la konkorda atu halo redusaun ba osan SEPFOPE nian tanba laiha razaun”, tenik nia.

Entretantu, Vise-Prezidente Parlamentu Nasionál, Maria Angelina Sarmento hateten, SEPFOPE hakarak halo asaun ne’e submete ba governu.

Bainhira OJE tama ona ba PN maka sei haree governu tomak la'ós haree de'it SEPFOPE nian.

Antes ne’e, Sekretáriu Estadu, Julião da Silva, fó opsaun ba Ministru Presidente Konsellu Ministru (MPKM) Hermenegildo 'Agio' Augusto Pereira, baihira Orsamentu Jerál Estadu (OJE) 2020 ba SEPFOPE redús maka nia sei rezigna-aan.

“Kuandu orsamentu SEFÓPE redús liu, dalan ida hadi'a. Seluk maka ha’u rasik haruka kandidatu traballadór halo demonstrasaun. No ikus, rezigna-aan, duke ba lidera fali intuisaun osan laiha”, dehan nia.

Nia hatutan, ba tinan 2020 SEPFOPE hetan osan tokon USD $7 maibé labele mantein ida ne’e tenke sa’e, tanba governu hakarak redús dezempregu maka tenke investe makaas hodi hasae rekursu umanu.

Ne’e duni, bainhira governu redús osan SEPFOPE nian maka joven barak sei sai penoton, tanba propoin osan tokon USD $7 de’it mós governu redús, maibé osan ba área seluk bele to’o tokon USD $30 laiha esplikasaun klaru.

“Tuir loloos presiza prepara formasaun ba tékniku ho di'ak no profisionál atu nune’e bele hataan ba nesesidade merkadu”, tenik nia.

Bainhira governu propoin osan tokon USD $10 ba SEPOFPE maka nia sei prepara joven 10.000 hetan sertfikadu internasionál, ne'ebé funsiona iha nasaun 10 iha Ázia, atu bele asesu servisu iha nasaun hirak ne’e.

“Governu ko’alia planu no polítika diversifika ekonomia, família moris di’ak maibé duke gasta osan boot ba área hirak ne’ebé seidauk klaru”, dehan Julião.

Tuir nia, Governu la haree ba sentru exelente ne'ebé SEPFOPE planu atu harii iha Hera hodi rekruta ema 10.000 kada tinan tuir formasaun iha área kualifikadu aas, ne’ebé nasaun seluk mós bele uza.

Read 1770 times
Rate this item
(0 votes)