Tuir observasaun Jornalista Diariu INDEPENDENTE nota katak, iha Sede Suku Santa-Kruz, Kulu-Hun no Bekora benefisairiu sira forma sena malu de’it.

Iha Sede Seku Bekora no Kulu-hun iha lina formatura ferik katuas no foin sa’e sira sena malu de’it forma iha loron laran.

Iha Suku Bekora, halo pagamentu ne’e fó prioridade liu ba Ferik Katuas sira no inan feton sira ne’ebé nia bebe sei kiik.

Tuir Xefe Suku Bekora Antonio da Silva Soares hatete, Suku Bekora iha Aldeia 10, prosesu pagamentu sei tuir orariu.

Iha suku ne’e nia benefisiariu hamutuk,

Iha ha’u nia suku familia uma kain hamutuk 4.387 maka sai benefisiariu, maibé uma kain hamutuk 27 maka naran la sai, ne’ebé sira sei tuir pagamentu etapa daruak nian,” dehan nia, iha Sede Suku Bekora, ohin .

Antonio dehan, kona-ba distansiamentu sosial ne’e hanesan autoridade lokal, hamutk ho Polisia no parte saude nian orienta maibé komunidade maka la iha konesensia hodi halo tuir, maiske tau ona markasaun atu sira hambrik.

Iha fatin ketak, Sefe Suku Kulu-hun Deus Dado Martins hatete, iha suku ne’e, aldeia hamutuk hitu ho nunemru benefisiariu hamutuk 1643, maibé naran husi Aldeia ida maka lakon de’it, entaun osan ne’ebé iha ona ne’e ba aldeia neen de’it.

“Ha’u nia aldeia Tane-mutu, ho total uma kain hamutuk 156 maka naran la sai hotu nune’e ami informa ona atu sir abele tuir pagamentu segundu faze nian,” dehan nia, iha Sede Suku Kulu.hun.

Tuir observasaun, iha prosesu pagamentu ne’e hetan apoia seguransa husi PNTL, ekipa obsevador KAK, PDHJ.