"Ita iha Timor-Leste ema na’in 18 ne’ebé konfirmadu, na’in tolu de’it maka hatudu sintomas no na’in 15 seluk la hatudu,"dehan nia, bainhira fó formasaun ba jornalista sira, kona-ba COVID-19, iha CCD, Ohin.

Eis Primeiru Ministru ne'e hatete, kazu iha Timor nian sidadaun estranjeiru ne’ebé deteta iha loron 6 fulan-Abril no Timor-oan na’in ida iha kuarentena Hotel Katuas maka hatudu sintomas, entaun mediku sira halo ezaminasaun laboratoriu masal hafoin bele deteta hotu sira.

Bainhira ema la hatudu sintomas ne'e defisil mos ba mediku sira atu deteta ema ne'e infetadu ba COVID-19 ka la’e.

Rui esplika, maiske ema la hatudu sintomas maibe virus ne'e iha nia laran ona, entaun bainhira nia kontaktu ho ema seluk virus sei da'et entaun hakarak ka lakohi balun sei hamosu sintomas, husi ne'e ekipa epidemolojika sira sei buka tuir.

Ema efetadu COVID-19 la hatudu sitomas tanba ema nia imunidade ne'e diak hela hodi rejiste hasoru virus ne'e.

Entertantu Rui reforsa, sidadaun nain 17 iha ona sala izolamenru ne'e loos duni katak sira la hemu aimoruk, maibe haruka sira deskansa barak, fo hahan nutritivu atu nune'e sira bele iha uminidade diak hodi kombate virus ne'e.

Molok ne'e, Rui hateten ona, ema sira ne'ebé afetadu moras ne'e iha loron 30 to'o 40 bele lakon mesak bainhira ema nia imunidade di’ak.