“Prezidente Parlamentu mós laiha informasaun ba ami vise (Prezidente PN) na’in rua, atu halo atividade parlamentu nasionál hanesan baibain,” dehan nia.
Kona-ba ezijensia husi maioria deputadu atu Vise Prezidente PN na’in 2 dirije meza, nia dehan, nia pronto atu ezekuta bazeia ba legalidade ne’ebé iha.
“Ha’u-nia intepretasaun ba rejimentu Parlamentu Nasionál mak ne’e, artigu 17 kompetensia Prezidente Parlamentu Nasionál nian, nia kompetensia as liu iha orgaun ida ne’e hodi delega kompetensia vise na’in rua, liga artigu 22 rejimentu Parlamentu nian, Vise Parlamentu halo kompetensia bainhira hetan delegasaun ofisialmente husi Prezidente Parlamentu Nasionál, maibé la hetan delegasaun husi Prezidente Parlamentu ne’e fila-fali ba maioria deputadu parlamentu nasionál ninian”.
