“Vizita iha sentru formasaun Dom Bosco atu hare’e karosa ida ne'e, no agora prosesu ne'e tama ona iha 75% hela oituan de'it, atu konklui", hatete SEKoop Elizário, ba Jornalísta sira, iha Sesta-Feira (09/10)

Nia dehan, iha faze dahuluk, SEKoop sei distribui uluk ba negosiante na’in 25, ne'ebé bele sai hanesan baze, hodi kontribui. Modelu ne'ebé tékniku sira halo, SEKoop aprova ona, maibé konstrusaun karosa seidauk finál,

"Atu bele kompleta nia fatin, tau naha nia fatin, atu bele asegura nia folin sira ne'e", dehan nia.

Iha fatin hanesan, tékniku iha Sentru Formasaun Dom Bosco, Jaime Olandino hatete, karosa ne'ebé sira prodúz ho medida (2x70), naruk metru rua no 70 cm.

Atu prodúz karosa ida ho kualidade, presiza han tempu naruk, hodi bele foku didi'ak, atu nune'e iha kualidade ne'ebé di'ak.

"Se halo karosa 25, kalkulasaun ne'e, bele lori tempu durante fulan rua, mak bele remata no inklui mós ho lampu ne’ebé mak instala kedas.