SEII-ONU Avalia Programa Spotlight Featured

By Camilio de Sousa Fevereiru 02, 2021 903
SEII, Maria Jose da Fonseca hamutuk ho ekipa ONU iha Timor-Leste.foto: Independente/Camilio de Sousa SEII, Maria Jose da Fonseca hamutuk ho ekipa ONU iha Timor-Leste.foto: Independente/Camilio de Sousa

DILI: Sekretaria Estado Igualidade no Inkluzaun (SEII) hamutuk ho Organizasaun Nasaun Unidas (ONU) ho  parseiru sira  halo avaliasaun ba programa Spotlight nian ne’ebé hala’o ona iha tinan 2019.

Spotlight nudar programa ONU nian liu hosi UN Women iha Timor-Leste ne’ebé foka liu ba asitensia Violasaun Bazeia ba Jeneru liu-liu Violensia Domestika ne’ebé hasoru feto no labarik Feto sira.

Tuir  Sekretaria Estadu Igualidade no Inkluzaun (SEII), Maria José da  Fonseca de Jesus Monteiru hatete,  program Spotlight ne’e programa UN Women nian ne’ebé antes ne’e hala’o  ona iha tinan 2019.

Nune’e  ohin loron 02 fulan fevereiru tinan 2021, UN Women konvida nia nuudar parseiro hodi avalia programa prinsipal ne’ebé hala’o ona iha Munisipu  alvo tolu mak hanesan, Bobonaro, Ermera no Vikeke.

Nia hatutan, programa prinsipal ne’ebé durante ne’e hala’o ona iha Munisipiu tolu, ladun lao ho efikasia no efisiensi tanba nasaun Timor-Leste aplika Estadu Emergencia relasiona ho Covid-19.

“ Programa Spotlight ne’e husi UN Women nian iha Timor-Leste ne’ebé atu haree no kombate numeru violensia Bazeia ba Jeneru liu-liu Violasaun Domestika hasoru labarik feto no Feto sira ne’ebé nafatin  as iha Timor -Leste,” dehan nia iha Salaun Maubara Timor Plaza ba Jornalista Online INDEPENDENTE  ohin.

Nia akresenta, programa ida ne’e lao tanba UN Women ho parseiru sira servisu hamutuk ho governu Timor- Leste, liu-liu ba Ministeriu sira ne’ebé trata asunto sosial no asuntu feto nian, hanesan,  SEII, MSSI.

No mós Sosiedade Sivil sira ne’ebé durante ne’e servisu no tau matan hodi fó asistensia direitu feto sira hanesan Rede Feto, Fokupers, Acbit.

Nia informa, Programa Spotlight ne’e konsege para iha fulan hirak nia laran tanba Timor-Leste implementa Estadu Emergensia, maibé aktividade nafatin lao atraves liu husi mensajen iha media online, Tv no media Imprime sira atu nafatin hatutan informasaun ba publika hodi hapara no reduz  ona violasaun kontra labarik feto no Feto Sira iha Timor-Leste.

Entretantu, iha fatin hanesan Country Manager Nasaun Unidas (ONU) nian iha Timor-Leste Roy Travedy hatete, programa Spotlight lao tanba hetan finanseiru husi Uniaun Europeia ho osan miliaun $ 10.8 dollar amerikanu, ne’ebé fó doasaun direitamente ba UN Women hodi implementa programa ne’e, maski programa ne’e UN Women nian maibé nia la servisu mesak.

Nia hatutan, implementador ba programa Spotlight ida ne’e UN Women mak responsabiliza maibé servisu hamutuk ho SEII no relatario hotu sei intrega ba SEII,

“ SEII mak nuudar sumbriña ba UN Women iha Timor-Leste inklu parseiro sira seluk ne’ebé tau matan ba direitu feto no labarik feto mak hanesan, Rede Feto, Acbit, Fokupers no organizasaun seluk ne’ebé foka ba diretu Violensia hasoru feto no labarik feto sira durante ne’e,” nia dehan.

Nia informa,  Seidauk bele publika numeru benifisiariu ne’ebé benefisia ona ba programa Spotlight ne’e tanba sei iha faze rekollamentu dadus.

Rate this item
(0 votes)
Last modified on Kuarta, 03 Fevereiru 2021 16:56

Independente Digital TV