Segunda, 14 Outubru 2019 | Login
Sekretariu Jeral Partidu CNRTno Deputadu CNRT, Francisco Kalbuadi Lay. FOTO: dok Sekretariu Jeral Partidu CNRTno Deputadu CNRT, Francisco Kalbuadi Lay. FOTO: dok

Sai Fali Deputadu, MP Labele Notifika Direita Kalbuadi Featured

DILI: Prosesu atu dada Sekretariu Jeral Partidu CNRT, Francisco Kalbuadi Lay, ba tribunal sai naruk liu tan. Ministériu Públiku (MP) ne’ebé molok ne’e bele halo notifikasaun direita, daudauk ne’e tenke halo rekerimentu ba tribunal.

Prezidente Asosiasaun Majislatura Judisial Timor Leste, Antonio Goncalves hatete, molok Kalbuadi retoma nia mandatu iha Parlamentu Nasionál (PN), MP bele halo notifikasaun direita ba nia.

Maibé, tanba Kalbuadi daudauk ne’e sai ona deputadu iha PN, MP tenke hato’o rekerimentu ba tribunal hafoin juiz bele halo notifikasaun ba PN.

“Agora nia (Kalbuadi) hanesan deputadu iha Parlamentu Nasionál notifikasaun labele direita ba nia,” deklara Antonio iha nia knar-fatin, Kaikoli, Kinta (07/03).

Iha rekerimentu nia laran, Antonio esplika, MP tenke esplika kedan ema ne’e suspeitu ba krime saida, no nia pena liu tinan rua ka tolu.

“Sira (MP) husu ba tribunal atu hato’o ba iha Parlamentu Nasionál atu hasai imunidade, atu bele halo investigasaun ba nia (Kalbuadi),” dehan Prezidente AMJTL ne’e.

Hafoin MP ninia rekerimentu tama tribunal, tribunál bele husu ba PN, bazeia ba rekerementu MP, atu hasai imunidade deputadu Kalbuadi, liu husi votasaun sekretu.

“Se sira (deputadu) deside hasai imunidade atu nia (Kalbuadi) bele ba hatan, sira sei haruka fali ba iha juiz. Se juiz haree sira hasai ona imunidade, sei komunika fali ba Ministériu Públiku atu bele halo investigasaun ba nia,” Antonio esplika.

Se deputadu sira la hasai imunidade, juiz sei komunika fali ba MP katak PN la hasai imunidade.  Tanba ne’e, presiza hein to’o nia mandatu remata mak bele halo fali investigasaun ba nia.

Observadór Tauk Kalbuadi Halai

Observadór Politika, Vitor Soares, preokupa ho viajen atual Deputadu husi Bankada CNRT, Francisco Kalbuadi Lay, ba rai li’ur.

Vitor deklara tauk karik Kalbuadi sei halai mós hanesan ho eis Ministra Finansas Emilia Pires.

“Ita hotu espera Francisco Kalbuadi Lay iha liur ne’e halo tratamentu saude laos atu halai sees husi justisa,” deklara nia.

“Se ita brani harii ita-nia nasaun ho raan no ruin, ita mós tenke brani harii justisa ida ne’ebé justu no loos ba ita-nia jerasaun foun sira atu banati tuir”.

Read 960 times
Rate this item
(0 votes)
MidAd1