Kada semana Armindo tenke lori koto karon 4  hodi mai fa’an iha kapitál Dili no bainhira faan hotu nia fila kedas ba Maubisse.

 " Karon 4 ne'e to’o semana ida maka hotu wainhira hotu bele hetan $100.00 too $120.00 kuandu fa’an hotu fila kedas ba Maubisse" dehan nia wainhira faan koto iha Hudi- Laran, Kuarta (07/10).

Wainhira mai husi Maubise nia sempre lori koto karon 4 hodi hatun iha merkadu Taibesi no karon 3 nia rai de’it iha merkadu no loron-loron nia tenke hiit karon idak-idak  hodi faan haleu Dili durante semana ida antes fila ba Maubisse hodi foti tan koto.

Hafoin faan hotu koto ne'e nia sei utiliza osan hirak ne'e hodi sustenta nia oan sira ne'ebé dadauk ne'e hala’o hela estudu iha Universidade iha kapitál Dili.

"Kuandu faan hotu osan ne'e ha'u uza hodi selu oan sira nia eskola, ha'u nia oan na’in 4, na’in 2 maka eskola iha UNPAZ, ha'u atu haruka 2 ne'e atu tama hotu iha universidade maibé ha'u selu labele ne'ebé sira iha uma de'it no na’in 2 maka eskola" hakotu nia.