Print this page

RNDJ-KRDTL Hetan Ona Asinatura Rihun 30 ‘Hatuun’ PR Lú Olo

By Joenaca da Conseiçao Jullu 30, 2020 1600
Porta-voz RNDJ-KRDTL, Angela Freitas. Porta-voz RNDJ-KRDTL, Angela Freitas.

DILI: Portavoz RNDJ-KRDTL Angela hatete, nia ekipa konsege halibur ona Kartaun Eleitoral no assinatura hamutuk rihun 30.

“Ami sei asselera prosesu ne’e lalais ho rapida possivel tanba agora dadaun ami akumula ona purvolta de 30 mil ital assinaturas iha semana ida ne’e nia laran,” dehan Angela.

Tuir tarjeru, Angela dehan, RNDJ-KRDTL sei akumula asinatura ema rihun 200.

“Tarjetu sei aumenta tan to’o rihun 200, ne’e depende ba iha esforsu husi ekipa nian ba rekolla assinatura ne’e rasik,” dehan nia.

Hafoin rekolla hotu asinatura, Angela dehan, RNDJK-RDTL sei lori karta petisaun ba PR Lu Olo hodi ezije mudansa radikal iha sistema governasaun atu nune’e iha futuru mai labele kontinua nafatin ho obra ida ne’ebé la tuir hotu-hotu nia hakarak.

“Nasaun ida ne’e tenke hamriik ho boa-governasaun no Konstituisaun ida hodi guia no fó orientasaun ba atividade kada sidadaun sira nian, liu-liu ba orgaun soberania estadu nian,” katak Angela.

Tan ne’e, Angela husu ba povu TL tomak atu bele kolabora ho ekipa RNDJ-KRDTL nune’e bele hasai povu husi problema violasaun konstituisaun ne’ebé halo husi nai-ulun sira.

Rate this item
(0 votes)