Rejultadu Negativu ba Ema Na’in 29 Ne’ebé Kontaktu Ho Infermeiru Featured

By Elsa Belinha Maiu 05, 2020 3061
Mediku sira halo teste laboratoriu ba suspeitu surtu Covid-19. Foto INDEPENDENTE Mediku sira halo teste laboratoriu ba suspeitu surtu Covid-19. Foto INDEPENDENTE

DILI: Ema na’in 29 ne’ebé halo kontaktu ikus ho infermeiru ne’ebé konfirmadu pozitivu Corona Virus Deasses 2019 (Covid-19) nia rezultadu teste laboratóriu negativu.

Porta Voz Sentru Integradu Jestaun Krize (SIJK) Doutór Rui Maria de Araújo hateten, Profesional Saúde ida ne’ebé konfirmadu pozitivu Covid-19 iha loron 24 fulan-Abril liu ba ema ne’ebé halo kontaktu ho nia rezultadu negativu hotu.

“Professional saúde ne’e ninia membru familia no kolega servisu hamutuk ema na’in 29 hatudu rezultadu laboratóriu negative,”dehan nia liuhusi konferensia imprensa iha CCD, ohin.

Nia informa, rezultadu laboratóriu husi Likisa no rezultadu laboratóriu husi ema hirak ne’ebé iha kontaktu besik ho professional saúde ne’ebé detetadu Covid-19 hatudu katak seidauk iha transmisaun Covid-19 iha komunidade nia leet.

Rate this item
(0 votes)

Independente Digital TV