Reintrega Labarik Oekusi Iha Fase Preparasaun Featured

By Camilio de Sousa Dezembru 23, 2020 723
Labarik fa'an manutolun iha Dili. Foto INDEPENDENTE Labarik fa'an manutolun iha Dili. Foto INDEPENDENTE

DILI: Komisaria Komisaun Direitus Labarik (KDL), Dinora Granadeiro informa katak politika KDL hodi lori fila labarik Oekusi-oan sira ne’ebé abandonadu husik inan-aman mai fa’an na’an pentolan no mantolun iha Dili laran sedauk bele realiza tanba KDL sei halo preparasaun.

"KDL oras ne’e dadaun servisu namanas hela oinsa atu lori labarik Oekusi-oan sira ba sira nia knua. KDL Servisu hamutuk ho Rejiaun Administrasaun Autonomia Espesial Oekuse Ambeno (RAEOA) sei halo preparasaun no halo assesmento, tanba ne’e  espera katak ita bele lori fila labarik Oekusi-oan sira,"  dehan Dinora ba jornalista Online Independente, iha nia Servisu fatin Kaikoli Kuarta ne’e.

Nia akresenta liu tan katak maioria labarik sira ne’ebé fa’an manutolun no pentolan mai husi Oekusi,   tanba ne’e atu lori lila labarik sira ne’e presija servisu hamutuk ho RAEOA hodi hare problema ne’e.

Servisu ida ne’e la’os kman tanba ne ‘e iha fulan hirak liu ba kotuk KDL servisu hamutuk ona ho Presidente RAEOA hodi oinsa halo asasmento hamutuk.

"KDL foti ona dadus labarik husi Oekusi hamutuk na’in 300 maibé dadus Ida ne’e sei bele aumenta tanba prosesu rekoilla dadus sidauk hotu,"dehan nia.

Servisu hamutuk entre KDL no RAEOA ne’e ho objetivo atu ajusta dadus hodi nune  parte RAEOA bele indentifika lolos labarik na’in 300 ne’e nia inan-aman atu nune’e baihira intrega ba sira nia familia  KDL labela sala.

Nia dehan, servisu hamutuk entre KDL no RAEOA realiza tanba sira mak hatene liu ema Oekuse-oan sira nia paradeiro. Hein katak dadus ne’ebé KDL intrega ona ba Autoridade RAEOA iha fulan hirak liu ba ne’e sSira bele indentifika lalais labarik sira ne ‘e nia familia atu nune KDL bele reintrega.

"Baihira KDL intrega ba sira nia familia KDL sei suporta osan oituan ba sira nia inan-aman atu sira bele kontinua sira nia eskola tanba labarik sira ne’e mak futuru nasaun nian, espera katak tinan oin KDL no RAEOA bele realiza promesas ne’e," dehan nia.

Iha oportunidade ida ne’e mos Komisaria KDL ne’e apela ba publiku atu labele sosa manutolun no pentolan husi labarik sira bebeik, tanba baihira Sosa bebeik, labarik sei iha  esperansa makaas hodi fa’an nafatin.

"Foin lalais KDL halo kampaña Nasional ida ho tema hapara ona sosa labarik nia produto, ida ne’e hanesan etratejia no maneira ida atu prevene labarik sira labele fa’an tan sasan iha estrada ninin, tanba baihira ita la sosa ona sira sasan, labarik sira rasik mak sei para sira Nia atividade,"dehan Nia.

Meius sira ne’e uza atu nune labarik sira bele fila ba eskola tanba sira mak futuru nasaun nian.

Nia informa katak too agora seidauk iha dadus lolos kona-ba labarik sira nebe abandona eskola hodi fa’an sasan tanba rekollamentu dadus seidauk hotu.

Rate this item
(0 votes)

Independente Digital TV