Iha komemorasaun loron veteranu nasionál Timor-Leste, Xefe Estadu ne’e husu atu, grava lalais istoria husi kombatente idaidak ne’ebé sei moris, tanba bainhira kombatante ida mate bele lakon istoria koletiva (1), ajuda ema atu respeita konstituisaun RDTL no hametin valor no prinsipiu luta libertasaun nasional (2), ajuda Governu atu dezenvolve lalais tuirizmu istoriku (3).

“Ha’u aproveita loron veteranu sira nian, hodi husu tan buat tolu ba konsellu kombatantes libertasaun nasionál atu haree. Primeiru oinsa grava lalais istória husi kombatante ida-idaik ne’ebé sei moris tanba ita lakon ona ema barak iha tempu ukun an. Bainhira ida mate, ita lakon dadaun parte ida husi ita-nia istória koletiva. Segundu, ajuda eduka ita-nia ema atu respeita Konstituisaun RDTL no hametin valores no prinsípius luta libertasaun nasionál nian. Terseiru, ajuda Governu atu dezenvolve lalais turismu istóriku,”dehan PR Lú Olo liu husi nia deskursu komemorasaun loron nasionál veteranu sira nian, iha Parasa Proklamasaun Independénsia, Dili.