“Ha’u hakarak hateten iha ne’e katak Organizasaun Veteranus sira-nian presiza sede ida atu Conselho dos Combatentes da Libertação Nacional (sigla –Portugés) bele funsiona. Kona-ba ida ne’e, ha’u ho señor Primeiru-Ministru ko’alia ona no sei garante kondisaun ida ne’e,”liu husi diskursu PR Lú Olo loron veteranus,Prasa Proklamasaun Independénsia, Tersa (03/03).

Tanba ohin, iha fatin istóriku ida-ne’e, Xefe Estadu husu ba hotu-hotu hakruuk ba memória hotuhotu nian, feto no mane! Tanba lista rohan-laek, Xefe Estadu temi de’it naran balun maka Prezidente Nicolau Lobato, Rosa Muki, Borja da Costa, Maria Tapó, Vicente Sahe, Soimali, Maria Goretti Joaquim, Hodu Ran Kadalak, Sabalae, David Alex no Nino Konis Santana.

“Ho Povu no Estadu Timor-Leste nia naran, ha’u hatoo hakoak boot ba família hothotu ne’ebé lakon maluk iha luta libertasaun nasional,” tenik PR Lú Olo.