PR Lú Olo Fó Rekoñesimentu Espesiál ba Xanana, Horta, Alkatiri Featured

By Cristina Ximenes Marsu 03, 2020 5101
Xanana, Taur, Lu Olo, Alkatiri tuur hamutuk iha enkontru maubise I. Foto doc. Xanana, Taur, Lu Olo, Alkatiri tuur hamutuk iha enkontru maubise I. Foto doc.

DILI: Prezidente Repúblika Francisco Guterres Lú Olo hakarak fó Rekoñesementu especial ida ba fundadór movimentu ukun rasik aan no Unidade Nasionál ne ebé sei moris hela hanesan Marí Alkatiri no Ramos Horta no mós ba lider prinsipal no reorganizasaun luta libertasaun nasionál iha 1981 Komandante FALINTIL Xanana Gusmão.

“Ha’u hakarak fó rekoñesimentu espesial ida ba fundador movimentu Ukun Rasik-an no Unidade Nasional, neebé sei moris hela, Mari Alkatiri no Ramos Horta no mós ba líder prinsipal no reorganizasaun luta libertasaun nasionál, iha 1981, Komandante FALINTIL, Xanana Gusmão,”liu husi deskursu PR Lú Olo iha loron veteranus, iha Prasa Proklamasaun Independénsia, Dili, Tersa (03/03).

Ho Estadu Timor-Leste nia naran, Prezidente Repúblika hatoo mós rekoñesimentu boot ba Kombatente Libertasaun Nasional, feto no mane, koñesidu no deskoñesidu, ne’ebé kontribui liu husi hahalok kiik ka boot, iha Frente Armada, Klandestina no Esterna/Diplomátika.

Nunee hatoo mós agradesimentu ba solidariedade internasional neebé TL simu husi Portugal no husi Moçambique, Angola no eis-kolónia portugesa sira seluk, iha África, husi governu balun, partidus polítikus, organizasaun naun-governamnetal no sidadaun sira, iha mundu tomak.

“Ho hotu-hotu nia kontribuisaun mak ita manán Ukun Rasik-an. Hamutuk ita sei luta nafatin ba futuru diak ba ita-nia oan no beioan sira. Iha ita-nia Timor-Leste livre no independente,” tenik PR Lú Olo.

Rate this item
(0 votes)

Independente Digital TV