Posibilidade Kazal Timor-oan Lori Droga Tama Indonezia Hetan Pena Mate Featured

By Jacinto Xavier Juñu 03, 2019 3062
Bea Cukai Indonézia Halo aprensaun ba Sidadaun TL nain rua (Fen Laen), ho naran Initial AS & JSP transporta droga ho tipe ecstasy ba Indonesia liu Motain Batugade, ho total pill 4874 subar iha mesin printer tipe EPSON A4, Foin lalais. FOTO: Alfándega TL Bea Cukai Indonézia Halo aprensaun ba Sidadaun TL nain rua (Fen Laen), ho naran Initial AS & JSP transporta droga ho tipe ecstasy ba Indonesia liu Motain Batugade, ho total pill 4874 subar iha mesin printer tipe EPSON A4, Foin lalais. FOTO: Alfándega TL

DILI: Iha Kuarta (29/05) autoridade seguransa Indonezia nian konsege kaptura feen ho laen husi Timor Leste ho insial JSP no AS tanba identifika kazal ne’e lori tama droga tipu extasi iha kaixa makina imprime ba Indonezia.

Alfandega Indonezia nian iha Mota-ain konsege identifika droga ne’ebé kazal sira subar iha makina imprime laran liu husi inspesaun X-ray.

Husi identifikasaun Unidade Polisia Droga Belu ho Alfandega Atambua, droga ho tipu extensi ne’e hamutuk grama 1.861.

Droga ne’ebé kazal ne’e lori hamutuk falun lima ne’ebé subar iha makina imprime laran. Falun dahuluk iha pílula (pil) kór matak hamutuk 972, falun daruak iha pílula kór azul 988, falun datoluk iha pílula kór azul 969, falun dahaat iha pílula kór matan 977, no ikus liu pílula kór kastaña (coklat) 968.

Pílula kór matak ho grama 724, kór azul ho grama 791, no kór kastaña ho grama 346. Total iha grama 1.861.

Tuir Lei Droga Indonezia nian, Lei númeru 35 Tinan 2009 kona-ba Droga, hatete ema ne’ebé produs, importa, esporta ka distribui droga nivel I ho todan liu grama lima (5) hetan ameasa pena mate, pena prizaun durante moris, ka pena prizaun lalais liu tinan lima no kleur liu tinan 20. Enkuantu extasi nu’udar tipu droga ne’ebé tama iha nivel I.

Lei Droga Indonezia nian iha artigu 113 alinea 2 hatete: “Dalam hal perbuatan memproduksi, mengimpor, mengekspor, atau menyalurkan Narkotika Golongan I sebagaimana dimaksud pada ayat (1) dalam bentuk tanaman beratnya melebihi 1 (satu) kilogram atau melebihi 5 (lima) batang pohon atau dalam bentuk bukan tanaman beratnya melebihi 5 (lima) gram, pelaku dipidana dengan pidana mati, pidana penjara seumur hidup, atau pidana penjara paling singkat 5 (lima) tahun dan paling lama 20 (dua puluh) tahun dan pidana denda maksimum sebagaimana dimaksud pada ayat (1) ditambah 1/3 (sepertiga).

Entretantu, bainhira jornalilsta sira konfirma asuntu kapturasaun ne’e ba Komandante Jeral Polisia Nasionál Timor Leste (PNTL) Komisariu Faustino da Costa, nia hatete katak nia parte simu ona informasaun ne’e, maibé laos tempu atu divulga ba públiku.

“Informasaun (kaer kazal Timor-oan lori droga) ne’e ami simu ona mais laos tempu par atu divulga ida ne’e, iha tempu hanesan ne’e,” dehan Komisariu Faustino hafoin hasoru-malu ho Prezidente Repúblika Francisco Guterres Lu Olo iha palasiu Prezidente Nicolau Lobato, Bairro-pite, Dili, Kinta (30/05).

Hatan kona-ba karik kazal Timor-oan na’in rua ne’e sei prosesa tuir lei Indonezia nian, Komisariu ne’e dehan, bainhira Indonezia kaer ona signifika sei prosesu turi lei Indonezia nian tanba to’o ohin loron Timor Leste ho Indonezia laiha akordu extradisaun.

“Sim. Ita laiha (akordu) extradisaun ho Indonezia, se Indonezia kaer ona, prosesu tuir lei Indonezia,” dehan Komandante PNTL ne’e.

Rate this item
(0 votes)

Independente Digital TV