Meja foun Presidente Parlamentu Nasionál ne’e hodi troka fali meja tuan ne’ebé hetan estragus husi deputadu CNRT relasionadu hadau malu meja Presidente Parlamentu Nasionál.

Sekretaria Jerál Parlamentu Nasional, Cedelizia Faria dos Santos hatete, meza Prezidente Parlamentu no vise Prezidente na’in rua nia kompletu ona.

"Kuaze mill $4.2, kompaña ida, iha Comoro, ami loke request for quotation (RFG) sira mai aplay, kompaña ne’e Timor-oan nian,"dehan Cedelizia, Parlamentu Nasional, Segunda (17/08).

Cedelizia dehan, kustu diferensia entre meza Prezidente Parlamentu no vise-Prezidente na’in rua nian.

"Hanesan ita-boot sira (jornalista) haree desain lahanesan, ha’u lahatene serteza, mais total mak mill $4.2, inklui kadeiras,"nia informa.

Kona-ba serimonia ritual, nia haktuir, muda fali ba fulan-Setembru hafoin remata deputadu sira resesu.

"Tanba ne’e semana ida-ne’e nia laran Prezidente Parlamentu sei halo reniaun lider bankada, depois enkontru lider bankada foin deside data bainhira mak halo serinomia,"nia haktuir.