Sábadu, 06 Juñu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-06-05&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
PN PN

PN Kongratula Austrália Ratifika Tratadu FM Featured

DILI: Parlamentu Nasionál kongratula ba Governu no Parlamentu Austrália ne’ebé konsege halo ratifikasaun ba tratadu Fronteira Marítima Definitivu entre nasaun rua ne’e nian.

Vise-Prezidente Bankada CNRT, Deputadu Patrocínio Fernandes dos Reis, hato’o agradesimentu kle'an ba Governu no Parlamentu Austrália ne'ebé halo ona ratifikasaun ba tratadu fronteira marítima definitivu ba Timor-Leste no Austrália.

“Mezmu sira mós halo alterasaun ba lei lubuk ida ne'ebé liga ho tratadu Fronteira Marítima ne’e rasik, lei 25 sira konsege halo iha ne'ebá”, dehan nia, iha Plenária PN, horisehik.

Iha fatin hanesan, Deputadu Abel Pires husi Bankada PLP hateten, fó parabéns ba povu Austrália no governu Austrália tanba ratifika ona tratadu ne’e.

Iha fatin hanesan, Bankada KHUNTO, Deputadu António Verdial hateten, fó agradesimentu ba parlamentu Austrália nian ne'ebé ratifika tratadu Fronteira Marítima definitivu.

Publikasaun husi média internasionál katak, Parlamentu Nasionál liu husi prosesu votasaun, halo ona ratifikasaun ba tratadu Fronteira Marítima, iha loron 29 Jullu 2019.

Nune’e, Governu Austrália liu husi Ministra Negósiu Estranjeiru, Marise Payne, deklara katak, ratifikasaun ne’e sei loke posibilidade hodi dezenvolve rekursu naturais iha fronteira marítima entre nasaun rua ne’e nian.

Governu Ameasa Hasai Vendedór Kampu Alor Husi: Pedro Alves Martins DILI: Governu planeia ona atu hasai vendedór hamutuk 240 husi Kampu Alor. Maski nune’e, autoridade lokál iha área ne’e to’o agora seidauk iha koñesimentu ruma kona-ba polítika evikasaun ne’e.

Tuir planu Governu nian liu husi Ministériu Turizmu no Komérsiu Indústria (MTKI), vendedór hirak ne’e sei muda ba merkadu Golgota-Komoro.

Xefe Suku Kampu Alor, Alcina Carvalho dos Santos hateten, Governu hakarak muda vendedór presiza fó hatene autoridade lokál sira nu’udar uma na'in, maibé durante ne’e seidauk iha koñesimentu ruma.

“Ba programa ha’u apoiu maibé tenke iha koñesimentu husi autoridade lokál”, dehan nia, hafoin hatama karta reklamasaun ba Gabinete Primeiru Ministru, iha Palásiu Governu, horisehik.

Nia dehan, governu atu hasai urjente ba iha fatin Golgota, haree situasaun seidauk kontoladu tanba fatin ne'ebá kondisaun la di'ak.

“Ami la'ós dehan Kampu Alor di’ak liu, maibé iha netik kondisaun no vendedór sira moris ho hakmatek hela hanesan família boot ida”, tenik nia.

Alcina dehan, Ministru Turizmu no Komérsiu Indústria hakarak muda urjente sei mosu problema boot, tanba ema barak durante ne’e servisu iha kampu Alor sé mak responsavel no vendedór Indonézia sira ne’e sira besik sira-nia meskita atu reza.

“Ami haruka pedidu mai Primeiru Ministru mai atu estuda, tanba vendedór sira iha ona hanoin atu halo di'ak kondisaun fatin Kampu Alor halo foun atu sira hela hakmatek fó servisu ba timoroan sira”, dehan nia.

Alcina hatutan, traballadór sira ne'ebé durante servisu iha fatin ne’e la'ós ema Kampu Alor maibé ema husi munisípiu hotu. Sei governu mak prepara vendedór sira ba, maibé koordena ho autoridade lokál Komoro katak fatin refere iha ne'ebá kloot no la sufisiente hodi akumula ema barak.

Nia dehan durante ne’e vendedór sira okupa hela maluk timoroan sira-nia fatin, nune’e arendamentu fó ba uma na'in no mós taxa rai nian kada fulan $20 kada loja ida.)

Read 2436 times
Rate this item
(0 votes)