Iha intervensaun Primeiru-Ministru, Taur Matan Ruak hateten, tuir rejime jurídiku Timor-Leste nian, atu halo restrisaun ba sidadaun sira-nia direitu tenke liuhosi Estadu Emerjénsia iha situasaun kalamidade públika daudaun ne’e.

“Tuir ita-nia rejime jurídiku medida sira ne’e só bele implementa rigor iha sosiedade nia leet se ita implementa Estadu Emerjénsia   ho fundamentu iha situasaun de kalamidade públika, tanba ne’e ohin Governu husu ho haraik an atu Parlamentu Nasionál bele autoriza paraké S.E. Sr. Prezidente Repúblika ba fulan ida tan renovasaun Estadu Emerjensia depois de remata ida ne’ebé vigor agora daudaun ne’e”, esplika Xefe Governu.

Ho konfirmasaun votu ne’e, Xefe Estadu sei deklara Estadu Emerjensia ba dahituk tama iha vigor iha loron 4 fulan-outubru tinan 2020, hafoin Estadu Emerjensia atual termina iha loron 3 fulan outubru tinan 2020.