PM Orienta Prepara Planu Anual OJE 2020-2021 Featured

By Pedro Alves Maiu 11, 2020 4013
PM Taur Matan Ruak PM Taur Matan Ruak

DILI:Primeiru Ministru Taur Matan Ruak kontinua orienta ona nia ekipa téknika husi Unidade Planeamentu Monitorizasaun Avaliasaun (UPMA) hodi hala’o preparasaun planu anual Orsamentu Jerál Estadu ba tinan 2020 no tinan 2021.

Maski OJE 2020 xumba ona iha Parlamentu Nasionál no VIII Governu seidauk kondusivel, maibé Governu ne’e prepara nafatin hodi hein fulan hirak tuir mai ou Governu foun.

Ekipa téknika ne’e, kompostu husi Koordenadór Apoiu Gabinete Sosiedade Sivil, Filipe Da Costa, Assessor Frei Martires Da Costa Guteres, Asesor Guteriano Neves, Koordenador Sala Situasaun SIJK Kapitao  Mar-e Guerra Donanciano, Koordenadora Unidade Planeamentu Monitorizasaun Avaliasaun (UPMA) Brigida Soares.

“Reuniaun ohin informal Primeiru Ministru bolu ekipa unidade planeamentu monitorizasaun avaliasaun UPMA atu haree ona  no preparasaun  orsamentu 2020 no 2021 ida ne’e diskusaun informal ba preparasaun orsmantu rua ne’e,”koordenadora UPMA Brigida iha Palasiu Governu,(11/05).

Entertantu hatan kona-ba OJE ne’ebé xumba ona iha Parlamentu Nasionál, nia hatete, parte teknika halo preparasaun nafatin.

“Téknika tenke prepara senariu ne’ebé de’it mak akontese nune’e unidade planeamentu monitorizasaun avaliasaun tenke prepara banhira Governu lao fila fali normal ou banhira Governu foun ita prepara,”tenik nia

Rate this item
(1 Vote)
Last modified on Tersa, 12 Maiu 2020 14:34

Independente Digital TV