Violénsia online ne’e sériu no sei lori konsekuénsia bo’ot no halo labarik feto sira sei nonook atu fó sira nia hanoin. Iha mundu ohin loron pandemia nian, atividade labarik feto nian barak hala’o online nune’e sira nia moris hetan risku tebes.

Bazeia ba relatóriu husi Plan International hatudu indikadór ne’ebé sériu ba labarik feto sira maka, labarik feto ida husi labarik feto haat hetan asédiu no indika katak 24% husi labarik feto ne’e lakon fiar, 42% sente stress no 18% hetan problema iha eskola.

Husi labarik feto 50% hateten,sira hetan asédiu online doque asédiu iha estrada, husi pursentu ne’e labarik feto 37% hateten sira hetan asédiu tanba sira nia étniku ka rasa. Asédiu ba labarik feto sira 56% maka akontese iha Facebook no 23% maka iha Instagram. Nomós Labarik feto ida husi labarik feto na’in lima 19% reduz uza média sosiál no la uza plataforma hirak ne’e, hafoin sira hetan asédiu.