Print this page
Presidente Partido Demokratiku akompanha husi nia kuadrus halo konferensia imprensa hafoin konferensia nasional relasiona ho empase politika rai laran. Foto INDEPPENDENTE Presidente Partido Demokratiku akompanha husi nia kuadrus halo konferensia imprensa hafoin konferensia nasional relasiona ho empase politika rai laran. Foto INDEPPENDENTE

PD Hanoin Grande Inkluzaun mas La Taka Ba Koligasaun Featured

DILI: Partidu Demokrátiku (PD) ofisiamente seidauk foti pozisaun hafoin kongresu nasionál. Maski nune’e, prefere atu hamosu governasaun grande inkluzaun iha situasaun agora nian.

Mezmu preferénsia PD nian nune’e, maibé la taka dalan mós atu halo koligasaun ho partidu sira seluk hodi bele salva nasaun ne’e husi impase polítika ne’ebé mosu iha nasaun ne’e.

Prezidente Partidu Demokrátiku, Mariano Assanami Sabino hateten, PD nia hanoin hamosu grande inkluzaun hodi envolve, Xanana Gusmão, José Ramos Horta, Mari Alkatiri, Taur Matan Ruak, atu bele hakat liu impase ne’ebé tinan rua ona nasaun enfrenta.

Husi rezultadu diálogu, PD hetan fali proposta ida ne’ebé diferente. Sira la simu proposta ne’ebé grande inkluzaun ne’ebé PD hanoin. Tanba ne’e, PD mós prontu atu bolu partidu hotu-hotu atu bele tuur hamutuk.

“Opsaun ne’ebé PD hakarak ne’e la mosu, no mosu maka opsaun ne’ebé ami hetan husi partidu rua ida mak husi CNRT, ida fali mak husi PLP,” dehan nia, hafoin konferénsia, iha sede PD, Kolmera, Kinta (20/2).

Iha opsaun sira ne’e normalmente PD tenke foti desizaun koletividade ida ne’ebé partisipa husi estrutura nasionál to’o baze, liuhusi konferénsia nasionál.

Nune’e, estrutura PD sei tuur hamutuk atu deside sei halo karta ba proposta ne’ebé partidu rua ne’e fó ba PD.

“Ami laran susar tenke iha opsaun atu hili, maibé ami hein katak ba oin PD hamriik iha ne’ebé de'it hakarak la'o hamutuk hotu-hotu. Ami-nia desizaun ne’ebé ami foti, buat balun ne’ebé importante maka PD prontu atu ba ho sé de'it,” tenik Assanami.

Partidu demokrátiku hanoin bele ho sé de’it, maibé hakarak governasaun foun ne’ebé nakloke no inkluzaun atu partidu hotu inklui ema independente bele tama hodi rezolve impase ne’e.

“Ami sei la fasilita governasaun ida atu hanehan ida seluk. Tanba ne’e la’ós manan-lakon, ida ne’e atu rezolve impase tinan naruk ne’ebé nasaun enfrenta,” dehan nia.

Iha pasadu PD hasoru lisaun barak ho partidu boot sira hanesan CNRT no FRETILIN, maibé ne’e la’ós sasukat ba PD atu hili.

Importante liu maka oinsá bele determina pozisaun ida hodi situasaun ne’e.

“PD la uza ida ne’e para satan atu ba salva nasaun. PD kontinua hein desizaun Prezidente Repúblika tuir konstituisaun”, dehan Assanami.

Read 785 times
Rate this item
(0 votes)