PD A-favór ba OJE 2020: Optimista Sei Bele Tulun Agrikultór Featured

By Aquino Gomes Outubru 03, 2020 1114
Prezidente Bankada Partidu Demokrátiku, António da Conceicão. Prezidente Bankada Partidu Demokrátiku, António da Conceicão.

DILI: Bankada Parlamentár Partidu Demokratiku fó a-favór ba proposta lei Orsamentu Jerál Estadu (OJE) bilaun $1.497 iha faze jeneralidade, tanba fiar katak sei bele tulun agrikultor sira.

Tanba pesimista katak OJE 2020 ho durasaun exekusaun fulan rua de'it labele ona atu fó garantia hadia povu nia moris ho hadi’a estrada, Bee moos, eletrisidade, edukasaun, saúde.

Prezidente Bankada Partidu Demokrátiku, António da Conceicão hateten, Bankada Partidu Demokrátiku iha obrigasaun, iha dever atu bolu atensaun hotu-hotu nian atu hamutuk hadi’a povu nia moris no hametin Timor-Leste nia ukun rasik-aan hodi haforsa Ezisténsia nu’udar país soberano.

“Maibe OJE 2020 sei bele atu tulun agrikultor sira halo sira-nia natar, hadia sira nia kafe, kuda ai-horis foun ne’ebé bele sai nu’udar variedade foun atu iha futuru mai aumenta ita nia atividade iha komersiu internacional (exporatasaun produtos) e mos atu hari indústria seluk par além da indústria petrokimika nebe mos importante tebes nudar indústria dinamizador ba desenvolvimentu iha Timor-Leste,”dehan Xefe Bankada PD, iha plenária Parlamentu Nasionál, ambitu diskusaun OJE 2020, Sesta (02/10).

Tuir nia, OJE 2020 nia durasaun hela deit ona fulan rua resin, tanba ida-ne’e ukun-na’in hotu hahú husi Prezidente Republika, Parlamentu Nasionál no Governu presiza atu uza momentu ida-ne’e hodi  fó mós opsaun politika atu normaliza hikas situasaun politika nasionál.

Tanba Timor-Leste ida ne’ebé nia ukun-aan mai husi unidade nasionál Timoroan nian labele rahun no labele naksalak tan deit ba inkapasidade atu lahatene simu malu nian, tan deit interesse eletismu hodi haluhan kompromisu “defender o povo maubere”.

Nia haktuir, Orsamentu ida ne’e tenki sai mos instrumentu atu halo normalizasaun politika nasionál hodi repoen normalidade no la basta hatur malu ba ukun. Tanba  ukun atu halo normalizasaun politika hodi viabiliza dezenvolvimentu nasionál.

“Tanba ne’e ita-nia dever atu dignifika sira-nia martírio ba rai ida ne’e hodi hases ita nia egoísmu no “ita-nia arrogânsia atu hare’e ba interesse nasional hodi halo di’ak ba povu nia moris di’ak. Lasama líder foin sa’e hanorin: “Ha unia dignidade la as liu dignidade nação nian”,”nia relata

Tanba ne’e, Partidu Demokrátiku  mosu hakarak ba Timor, Maubere oan prontu servi no hakarak Timor ba Timoroan hotu.

Rate this item
(0 votes)
Last modified on Sábadu, 03 Outubru 2020 09:17

Independente Digital TV