Ema 16 Rekuperadu Husi Positivu Covid-19 Featured

By Elsa Belinha Maiu 01, 2020 2680
Dr. Sergio Dr. Sergio

DILI: Pasiente Konfirmadu Pozitivu Corona Virus Deasses 2019 (Covid-19) ne’ebé izola iha Vera Cruz na’in 16 rekuperadu ona.

Portvoz Sentru Integradu Jestaun Krize (SIJK) Doutór Sergio Lobo hatete, ema na’in 10 maka rekuperadu ona. Tanba ne’e kazu konfirmadu pozitivu Covid-19 na’in 24 ne’e na’in 16 maka rekuperadu ona.

“Agora dadaun pasiente pozitivu Covid-19 iha fatin izolamentu Vera Cruz ne’e na’in 12 de’it ona,”dehan nia iha konferensia imprensa iha CCD, kinta-horsehik.

Nia informa, ema ne’ebé halo teste laboratóriu hamutuk 652, ema ne’ebé maka nia rezultadu negativu hamutuk 435. Ema ne’ebé maka hein rezultadu laboratóriu 193.

Ema ne’ebé sei iha konfinamentu 374 kompostu husi konfinamentu obrigatoriu iha Dili 263, konfinamentu obrigatoriu iha munisipiu sira hamutuk 65. Ema ne’ebé halo auto karantina iha uma Dili na’in walu (8) no iha munisipiu 38. No total ema ne’ebé maka kumpri ona loron 14 iha karantina sai ona ba uma 1.775.

Husu ba komunidade atu kumpri nafatin protokolu husi Organizsaun Mundial Saúde (OMS) nian kuidadu nafatin ijiene pessoal fase liman bebeik mantein distansiamentu sosial nomós distansiamentu fíziku. Hakmatek iha uma kuandu la iha nesesidade ne’ebé importante iha li’ur. Sai ba li’ur tenke uza maskara.

Nia mós informa katak, ainhira iha sintomas infesaun respiratória aguda (IRA)  hanesan isin manas, kakorok moras, me’ar, inus-been, ruin kiik- bo’ot siin halo favor ba konsulta iha sentru saúde ka ospital sira.

Se lakohi atu hetan moras Covid-19 ne’ebé grave ka krítiku halo favor hapara fuma sigaru no hemu tua.

Rate this item
(0 votes)
Last modified on Sexta, 01 Maiu 2020 07:57

Independente Digital TV