Print this page

Pasiente Pozitivu Covid-19 Halo Ona Ezame Laboratóriu Featured

By Elsa Belinha Abril 23, 2020 2097
Sentru Saude Vera Crus bainhiraa sei iha prosesu konstrusaun, agora sai fatin izolamentu COVID-19. Foto INDEPENDENTE Sentru Saude Vera Crus bainhiraa sei iha prosesu konstrusaun, agora sai fatin izolamentu COVID-19. Foto INDEPENDENTE

DILI: Pasiente kazu konfirmadu pozitivu Covid-19 iha fatin izolamentu Vera Cruz halo fali ona ezame laboratóriu hodi bele monitoriza.

Portavoz Sentru Integradu Jestaun Krize (SIJK) Dr. Rui Maria de Araújo hatete, kazu konfirmadu no kazu provavel ne’ebé agora dadaun iha Timor-Leste ne’e sei nafatin restritu ba grupu neen (6). Ida ne’e hatudu katak iha ona transmisaun lokal maibé seidauk iha evidénsia kona-ba transmisaun iha komunidade. Bainhira mosu kazu konfirmadu ruma iha populasaun nia le’et, ne’ebé laiha relasaun ho ema sira ne’ebé halo viajen husi fatin afetadu no laiha mós relasaun ho ema ruma ne’ebé konfirmadu ona.

“Kazu konfirmadu sira iha Vera Cruz hahó halo fali ona ezame laboratorial hodi monitoriza, se virus sei iha ka lae iha sira nia isin,”dehan nia iha konferensia imprensa iha CCD, ohin.

Nia informa ba públiku katak kazu konfirmadu sira iha Vera Cruz ne’e idak-idak simu ona ninia rezultadu laboratóriu dahuluk. Tanba ne’e halo tan ezame laboratoriu karik husi sira na’in 27 ne’e iha rezultadu negativu dala rua tutuir malu sira bele fila ona. Agora dadaun sira laiha sintomas no kondisaun estavel hotu.

Rate this item
(0 votes)