OJE 2020: Tokon $113 ba Rekuperasaun Ekonómika Featured

By Aquino Gomes Outubru 03, 2020 1141
Agrikutor ida hit karon produtu lokal husi nia toos. Foto google Agrikutor ida hit karon produtu lokal husi nia toos. Foto google

DILI: Governu aloka orsamentu tokon $113 (dollar Amerika) ba planu rekuperasaun Ekonómika iha proposta Orsamentu Jeral Estadu (OJE) tinan 2020.

Tuir Presidente Bankada Parlamentár FRETILIN, Francisco Miranda Branco katak, politika rekuperasaun Ekonómika ne’e sei  hamoris ekonómia rai-laran hodi bele fó benefisiu ba povu tomak.

Osan ne’e sei sirkula rai-laran no sei fó benefísiu direita ba povu agrikultór no komersiante sira. 

Tanba ne’e, Bankada FRETILIN elojia tebes no fó votos susesu ba Xefe Oitavu Governu Konstitusionál ho nia elenku, ne’ebé foin mak remata 100 dias governasaun, maibé hatudu ona diferensa barak iha sistema no polítika governasaun liuliu iha proposta OJE 2020. 

“Ita liu tiha tinan barak, foin mosu fali governu ida, ne’ebé haktuir Primeiru Governu Konstitusionál nia polítika, hatuur hikas ema Maubere iha sentru ba polítika dezenvolvimentu nasionál, la’ós hatuur fali sasán ka infraestrutura sira mak sai fali sentru ba polítika dezenvolvimentu,”tenik nia.

Rate this item
(0 votes)
Last modified on Sábadu, 03 Outubru 2020 09:19

Independente Digital TV