Labarik ho naran Aleki ho idade tinan 16, mate labele salva an husi monta boot iha ponte aifelo ne’ebé tun husi mota Taibesi nian. Enkuantu feto na’in rua mós labele salva no mota lori sira too agora seidauk hetan.

Tuir informasaun ne’ebé Online INDEPENDENTE asesu iha sentru saúde bekora família sira konta, matebian ho nia kolega sira iha tuku 2:00 méudia ba halo kartaun eleitoral, hafoin fila mai iha tuku 3:00 iha área bekora ponte Maufelu mota boot fahe ba rua, hodi rezulta vítima Aleki ho nia kolega sira mota lori.

Hafoin akontesementu, ekipa bombeiros fó apoiu kedas hodi hetan fali mate isin Aleki no vitima feto na’in rua seidauk hetan.

Alende mota lori ema, husi inundasaun boot iha kapital Dili, udan been tama iha komunidade sira nia uma, edefisiu publiku no palácio presidente Aitarak laran.

Dadaun ne’e ekipa Bombeiru kontinua buka alin feto na’in rua ne’ebé lakon no matebian ambulansia halo ona evakuasaun kedas ba iha sentru saúde bekora.

Alende matebian rai iha sentru saúde bekora, maibe ahi eletridade kontinua mate.

Entretatu tuir observasaun Online INDPENDENTE iha terenu inundasaun ne’e naruk kuaze metro ida. Ia área Bekora kuaze uma komunidade lima nolu resin mak afeita hetan inundasaun, tanba besik iha mota ninin too mota ikun Bidau nian. Aliende ne’e, iha area Hudi Laran hetan inundasaun, Santa Cruz, bairo-pite, Vila-Verde no fatin sira seluk iha kapital Dili.