Domingu, 09 Agostu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-08-07&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Parlamentu Nasional Parlamentu Nasional

Meza PN 'Moos Ona', Hein Fali Komisaun Featured

DILI: Hafoin prosesu ne’ebé nakonu ho polemika, ikus mai meza Parlamentu Nasionál ‘moos ona’ husi deputadu CNRT no nia aliadu sira. Tuir mai, bankada FRETILIN, PLP, no KHUNTO “planu” atu halo mudansa mós komisaun espesializada sira.

Iha Tersa (02/06) hafoin bankada CNRT, UDT/FM no PUDD, deside partisipa fila fali iha plenaria, meza PN halo ajenda mós ba destituisaun sekretaria no vise Sekretaria meza PN.

Liu husi votasaun ba subtituisaun, maioria deputadu deside hodi hili Deputada Bankada FRETILIN, Lidia Norberta dos Santos Martins nu’udar Sekretaria no Deputadu Bankada KHUNTO, Antonio Nobre Amaral Tilman nu’udar Vise Sekretaria hodi troka deputada CNRT Maria Terezinha Viegas  da Silva, no Deputada UDT/ FM Isabel Maria Freitas Ximenes.

Prezidente Parlamentu Nasionál, Aniceto Guterres informa, iha votasaun deputadu na’in 41 a favor, kontra 0, abstensaun 1 no aujensia 23.

“Ho nune’e deputada Lidia Norberta dos Santos eleita ba kargu sekretaria meza Parlamentu Nasionál, (no) Antonio Nobre Amaral Tilman ba kargu primeiro Vise Sekretaria meza Parlamenntu,” dehan Aniceto hodi konvida deputadu na’in rua ne’e hola fatin iha meza PN.

Ho rezultadu ne’e, Aniceto dehan, kompozisaun meza PN kompletu ona no tuir rejimentu PN artigu 19 pontu 6, Prezidente PN tenke komunika kedas ba Prezidente Repúblika no Primeiru Ministru.

Iha fatin hanesan, Deputada Bankada KHUNTO, Olinda Guterres fó parabens ba sekretaria no vise-sekretaria meza PN ne’ebé foin eleitu.

Entretantu, kompozisaun foun ba meza PN mak: Prezidente Parlamentu Nasionál Ainceto Guterres, Vise Prezidente PN dahuluk Maria Angelina Sarmento, Vise Prezidente PN daruak Luis Roberto da Silva, Sekretaria Lidia Norberta dos Santos Martins, Vise Sekretariu dahuluk Antonio Nobre Amaral Tilman, no Vise Sekretariu daruak Regina Freitas.

Entretantu, molok ne’e, Prezidente PN Aniceto Guterres fó sai ona razaun troka Sekretaria no Vise Sekretariu Meza PN.

Aniceto dehan, razaun ba mudansa ne’e tanba Sekretaria no Vise Sekretaria atual lakohi kolabora.

“Sira mai tuur hela iha ne’ebé ne’e, entaun bele mai ko’alia sei hakarak ka la’e, maibé sein informasaun, durante dezde prezidente Parlamentu foun eleitu tiha mós sein mai atu halo kolabora ka nusa, quer dizer ema lakohi, sira-nia bankada tomak, ohin Bankada ne’ebé Primeira Sekretaria hola parte sira la mai hotu,” dehan nia iha 25 Maiu 2020.

Aleinde Sekretariu no Vise Sekretaria meza PN, Aniceto hatete, iha mós hakarak atu halo mundansa ba prezidente komisaun espesialijada sira.

Maibé, nia hatutan, depende indentimentu Bankada Parlamentar maioria sira nian. Nu’udar Prezidente PN, Aniceto hakarak aselera atu atividade PN tenke la’o.

“Entaun nu’udar Prezidente Parlamentu ha’u labele husik hela komisaun sira paralizadu ho de’it tanba meza komisaun okupa husi bankada sira ne’ebé agora boikota dadaun atividade Parlamentu nian. Ha’u husu tiha ba membru deputadu komisaun espesialijada par sira bele haree iha nesesidade atu halo alterasaun ka la’e, se nesesidade tenke halo,” deklara Aniceto iha altura ne’eba.

Read 1573 times
Rate this item
(0 votes)