Kuarta, 15 Jullu 2020 | Login
Oscar Lima. Oscar Lima.

Menus Sosializasaun, Ema Barak La Rejistu Seguransa Sosial Featured

DILI: Prezidente Kámara Komérsiu Indústria Timor-Leste (CCI-TL) Óscar Lima, konsidera emprezáriu no setór barak la rejista seguransa sosiál iha ministériu solidariedade sosiál inkluzaun (MSSI) tanba menus sosializasaun husi parte Governu.

Nia dehan, CCI-TL hola parte mós iha programa seguransa sosiál dezde hahú sempre hamutuk sindikatu traballadór ko’alia to’o ikus mai realiza.

“Governu mak sala, traballadór ka sindikatu mak sala. Ita-nia sosializasaun mak seidauk kle'an atu ema bele apar bele ba selu seguransa sosiál”, dehan Óscar Lima, Iha knaar fatin, Komoro, horisehik.

Nia parte, ko'alia ona ho membru governu katak, ba sira ne'ebé seidauk rejista ne’e ba rejista nafatin to’o ikus bele selu ona, agora sira hetan osan maibé ba oin sira selu fali, tanba servisu di'ak ida ba traballadór.

“Sosializasaun mak seidauk kle'an tanba seguransa sosiál mak la kle'an, to’o ami-nia membru balun rasik mós lakohi, maski ami membru ona ba seguransa sosiál”, tenik nia.

Nia dehan, ema balun mós lakohi atu ko'a sira nia osan 4% ne’e tanba lei la obriga atu selu.

Tuir nia hanoin, governu tenke buka fleksibilidade atu ajuda rekupera ekonomia, nune’e estende tan sira ne'ebé seidauk rejistu kontinua ba rejistu atu hetan direitu ba solidariedade ba sosiál.

Karik kompañia balun la rejistu seguransa sosiál mak sira la hetan pakote rekuperasaun ekonomia implika makaas ba traballadór sira, empreza balun komesa atu bankarrota mak governu karrega tan ne’e aban bainrua hadeer labele sei monu fila-fali.

Nia dehan, sai emprezáriu ne’e fasil, maibé jestaun la di''ak bele sa’e makaas no monu mós lalais, nune’e situasaun hanesan ne’e presiza esplikasaun atu sira labele hetan tan presaun todan hodi bele hetan atividade hodi hadi'a ekonomia.

“Agora ba oin governu tenke fó projetu sira ne’e ba timoroan sira hodi hala’o osan namkari ba iha povu sira tenke halo”, tenik nia.

Bainhira governu la apoiu 60% hodi ajuda setór privadu ne’e sei implikasaun makaas, maibé sei tenta atu bele selu tanba balun daudaun atraza iha dokumentasaun sira bele hadi’a semana ida-rua atu hadi’a.

 

Read 680 times
Rate this item
(0 votes)