Print this page

Membru PSIK Treinadu Lori Kilat Featured

By Maiu 18, 2019 983
PM Taur PM Taur

DILI:Primeiru Ministru (PM), Taur Matan Ruak hatete, pedidu ba sosa kilat ba PSIK seidauk iha no atu halo desizaun hodi sosa karik desizaun ne’e sei deside iha Konsellu Ministru.

Hatan kona-ba membru PSIK sira bele utuliza kilat ne’ebé sei sosa ba sira, PM Taur dehan, PSIK treinadu atu lori kilat.

“Sira bele (lori kilat) tanba sira treinadu ba ida ne’e,” dehan nia hafoin hasoru malu ho Prezidente Repúblika iha Palasiu Prezidensiál, Bairru Pité, horisehik.

Kona-ba lei, Xefe Governu ne’e hatete, bainhira tau ona orsamentu naturalmente tenke sosa kilat maske lei la fó dalan maibé haree katak bainhira iha nesesidade sei buka meius oinsá atu bele muda lei ne’e.

Molok ne’e Ministru Defeza Filomeno Paixão hatete, servisu PSIK nian importante tebes ba estadu atu sira bele la’o ho kilat.

“Seidauk iha lei maibé ita bele halo normas atu sira bele la’o ho kilat, la’os labele porque krime balun ita-nia polisia la konsege identifika detallu, krime balun sufistikadu demais ita ho matan la konsege identifika entaun presiza polisia ne’ebé espesialidade,” dehan nia.

Rate this item
(0 votes)
Jose Sarito Amaral

Latest from Jose Sarito Amaral