Jenerál Lere dehan, bainhira deside atu hasai membru sira ne’e ho laran triste, maibé desizaun maka hanesan ne’e. Tanba ne’e, hakarak ka lakohi tenke sai.

Nia esplika, komandu la demite soldadu arbiru, maibé membru ne’e komete kazu krime no indixiplina.

Ne’e duni, apela ba joven sira ne’ebé hakarak sai forsa tenke husik ona atitude aat ne’ebé komete iha sosiedade nia leet. Atu sai forsa armada tenke dixiplina no hadomi nasaun ho povu.

Estende Mandatu Soldadu 500

Autorizasaun husi Lei Militár nian bainhira soldadu ne'ebé rekruta tenke kontratadu, tanba ne’e governu sei kria lei foun hodi estende tan mandatu prasa 400, ne’ebé planeadu atu hakotu sira nia mandatu.

Xefe Estadu Majór Jenerál F-FDTL dehan, soldadu sira la'ós kuadru permanente maibé kontratadu, bainhira tama bá prasa lei la fó dalan atu sai permanente.

Maibé, governu sei prolonga tan mandatu ba prasa 500 ba tinan haat, ne’ebé tuir planu sei hakotu mandatu tanba misaun soldadu sira nian remata ona.

“Ami sei haree tun-sa'e lei sira ne’e, tanba ne’e maka governu sei kria tan lei foun hodi prolonga tan sira nia mandatu ba tinan haat,” tenik nia.

Nia dehan, bainhira prasa 500 bainhira remata sira nia kontratu sei fó impaktu ba instituisaun F-FDTL, tanba rekursu barak maka nia demite remata. Ne’e duni, komandu sei tuur hamutuk ho governu liu husi ministériu defeza hodi haree preokupasaun ne’e.

Antes ne’e, Ministru Defeza Cirilo Cristóvão hateten, Konsellu Ministru deside ona hodi hakotu mandatu soldadu 400 fila ba vida sivíl hodi loke rekrutamentu foun ba soldadu 600 hodi prienxe hikas númeru ne’e.