Iha anunsiu ne'e, Lugu deside hodi la lori bandeira partidu nian, maibé kandidata-aan nu'udar independente. 

Nia dehan, maski nu'udar prezidente Partidu Frente Mudansa, maibé nia hili dalan independente tanba atu sai prezidente ba povu hotu. Tanba ne’e, nia rasik hili hodi avansa tuir independente.

Nia hatutan, hahú husi inisiu luta ba libertasaun nia rasik, dedika-aan tomak atu liberta povu no rai ne’e. Iha ukun-aan mós kontinua inklina-aan hodi halo konstrusaun ba estadu liu husi kargu importante sira.

Liu husi ne’e hatudu katak, iha esperiénsia lubuk ida ne'ebé iha. Tanba ne’e, hakarak atu uza nia esperiénsia ne’e hodi  kontinua luta hodi serve nasaun no povu.

Nia hatutan, kandidata-aan la'ós atu okupa kargu Prezidente Repúblika hodi haboot aan, maibé hakarak atu halo mudansa ba povu nia moris.

“Ha'u kandidata-aan la'ós ambisaun, maibé hakarak muda povu ne’e nia moris” deklara Lugu, iha Bankada Frente Mudansa, Parlamentu Nasionál, horisehik.