Tersa, 14 Jullu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-07-12&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Presidente Repúblika Francisco Guteres Lú Olo. Presidente Repúblika Francisco Guteres Lú Olo.

Lú Olo Konsidera VIII Governu Iha Lezitimidade Konstituisionál Featured

DILI:Presidente Repúblika Francisco Guteres Lú Olo konsidera VIII Governu Konstitiuisonál iha lezitimidade no kbiit tanba tané husi maioria Parlamentu Nasional nune’e sei ukun too rohan.

“Governu ida ne’e iha lejitimidade konstitusionál no kbiit ida ne’e mai husi Parlamentu Nasionál. Maioria foun ida mosu no fó dadaun ona apoiu ba Governu ida ne’e. VIII  Governu hetan ona tané husi maioria parlamentar ida no bele ukun to’o mandatu ramata,”dehan Xefe Estadu Lú Olo iha nia diskursu bainhira fó pose ba membru Governu iha Palasiu Presidensiál Aitarak Laran Dili,(29/05).

Nune’e Xefe Estadu dehan, hakarak kontribui ba hametin unidade nasional no promove polítika grande inkluzaun iha governasaun mak Prezidente Repúblika promove diálogu ho partidu polítiku hotu-hotu ho asentu iha Parlamentu Nasional no mós ho forsa polítika sira, konfisaun relijioza sira no organizasaun sosiedade sivil hotu.

“Ho espíritu ida ne’ e mak maioria partidu sira ho asentu iha Parlamentu Nasional ko’alia ba malu no hatudu momoos ona saída mak sira hakarak. Situasaun ida ne’e enkoraja ha’u atu hala’o nafatin diálogu”tenik Presidente Repúblika ne’e.

Tuir nia katak, iha ona sinal sira ne’ebé hatudu katak unidade nasional entre partidu sira iha parlamentu haboot liután ona. Ida ne’e mak povu hakarak. Povu hakarak unidade no ukun ida ne’ebé  permite dezenvolvimentu nasional la’o lais liu no fó rezultadu di’ak liután.

“Ha’u fiar katak ita hotu hakarak UNIDADE atu bele hasoru dezafiu boboot sira ne’ebe la’ ós de’it dezafiu Estadu no Governu nian maibé ita-nia Nasaun tomak nian”tenik nia .

Nune’e, ita hare ona situasau parlamentar foun ida ne’ebé fó dalan ba Primeiru-Ministru foti inisiativa propoin membru Governu foun ba preenxe fatin mamuk sira no ba fatin foun sira tuir mudansa orgánika Governu nian ne’ebé hau promulga ona. Nune’e, ho apoiu husi maioria parlamentar foun ne’ e, mak Primeiru-Ministru bele hala’o ninia kbiit konstitusionál tomak.

Husi nia parte, nuudar Prezidente Repúblika, no hafoin haree no tetu didi’ak proposta husi Primeiru Ministru, deside simu proposta sira ne’e, no ho husi nia hanoin rasik maibé haree mós ba nia kbiit konstitusionál mai husi alínea h) artigu 86 no númeru 2 artigu 106 Konstituisaun RDTL.

“Ami hotu hein buat boot no barak husi Primeiru-Ministru no Governu ida ne’e. Ami hotu hein katak ita la’ ós de’ it sei manán luta hasoru covid-19 maibé ita sei konsege sai mós husi situasaun aat mosu ho inundasaun oioin iha país tomak”.

“Ami hotu hein mós katak Governu ida ne’e no Primeiru-Ministru konsegue dudu duni ba oin rekuperasaun ekonómika. Ita hotu hatene katak produtu internu brutu tun no falta empregu sátan moris di’ak ba Povu. Maibé ita hotu mós hatene katak problema sira nee hotu la’ós foin mosu ho covid-19. Problema sira ne’e  kleur ona no ita presiza kore-an husi problema sira ne’e atu la husik ita-nia País monu iha resesaun ekonómika”.

Importante tebes hili modelu dezenvolvimentu ekonómiku sosiál ida ne’ebe foka liuliu  ba ema.Membrus Governu ha’u foin fó pose ba tama iha momentu ida ne’ebé Povu halo ezijénsia boboot de’it.

Povu no Prezidente Repúblika rasik hein katak Governu ida ne’e sei hala’ o knaar ho dedikasaun, servisu maka’as, espíritu ekipa no responsabilidade.

Read 757 times
Rate this item
(0 votes)